Teli i Shërben Zotit

Ndërtimi i Kishës në Tubuai

Teli dhe njerëz të tjerë duke parë mbërritjen e misionarëve shenjtorë të ditëve të mëvonshme.

Një grua me emrin Teli jetonte në një ishull të vogël të quajtur Tubuai. Misionarë nga kisha të ndryshme ndonjëherë e vizitonin Tubuain, por zakonisht nuk qëndronin shumë gjatë. Një ditë në vitin 1844, Teli u emocionua kur dëgjoi se misionarë nga Kisha e Jezu Krishtit e Shenjtorëve të Ditëve të Mëvonshme kishin mbërritur në Tubuai.

Doktrina e Besëlidhje 1:1; 133:8

Teli dhe Nabota i ftojnë misionarët të qëndrojnë me ta.

Misionarët ishin duke shkuar drejt disa ishujve më të mëdhenj. Por njerëzit në Tubuai donin që ata të qëndronin dhe të predikonin ungjillin. Teli dhe bashkëshorti i saj, Nabota, thanë se misionarët mund të qëndronin në shtëpinë e tyre. Një nga misionarët, Adison Prati, ra dakord.

Saints [Shenjtorët], 1:573–574

Teli dhe Nabota duke ngrënë një vakt me një nga misionarët.

Teli dhe Nabota ndanë me Adisonin gjithçka që kishin. Ata e mësuan të fliste gjuhën e tyre. Adisoni më pas u mësoi atyre për Jezu Krishtin.

Teli duke u pagëzuar ndërsa Nabota shikon.

Fryma e Shenjtë u tha Telit dhe Nabotës se ungjilli i Shpëtimtarit është i vërtetë. Ata ishin njerëzit e parë në Tubuai që u pagëzuan.

Saints [Shenjtorët], 1:573–574

Teli dhe njerëz të tjerë duke shpërndarë ungjillin te njerëzit në Tubuai.

Teli, Nabota dhe Adisoni u bënë miq të ngushtë. Ata udhëtuan së bashku dhe e dhanë mësim ungjillin në Tubuai dhe ishuj të tjerë. Kur njerëzit u përpoqën t’u thoshin shenjtorëve në Tubuai se nuk duhej të ishin bashkuar me Kishën, Teli u mësoi atyre nga shkrimet e shenjta se Kisha është e vërtetë.

Saints [Shenjtorët], 2:27, 45

Teli, Nabota dhe shenjtorë të tjerë duke kënduar së bashku.

Teli donte të ndihmonte më shumë njerëz në Tubuai që të mësonin për ungjillin e Jezu Krishtit. Ajo i vuri muzikës fjalë nga shkrimet e shenjta dhe ftoi grupe të mëdha të këndonin me të mbrëmjeve. Këndimi i këngëve të Telit ndihmoi shumë njerëz t’i mësonin shkrimet e shenjta dhe të kujtonin atë që kishin mësuar.

Doktrina e Besëlidhje 25:12

Teli dhe familja e saj duke mirëpritur familjen e Adisonit.

Vite më vonë, më shumë misionarë erdhën në Tubuai, përfshirë familjen e Adisonit. Teli i mirëpriti ata në shtëpinë e saj. Ajo punoi me bashkëshorten e Adisonit, Luizën, për t’u shërbyer grave në Tubuai.

Saints [Shenjtorët], 2:133–134

Teli dhe familja e saj duke vazhduar ta shpërndanin ungjillin te njerëz të tjerë.

Pas njëfarë kohe, misionarët u detyruan të largoheshin nga Tubuai dhe ishujt e tjerë. Por Teli vazhdoi t’u jepte mësim shenjtorëve dhe t’i udhëhiqte ata. Falë shembullit dhe shërbimit të Telit, Kisha në Tubuai mbeti e fortë.

Saints [Shenjtorët], 2:150–151