Shoqata e Ndihmës

Gratë e Navusë i shërbejnë Zotit

Margaret Kuku dhe Sara Kimballi duke folur për tempullin e ri që po ndërtohej në Navu.

Margaret Kuku jetonte në Navu. Ajo punonte për Sara Kimballin, duke e ndihmuar për të qepur. Ndërsa ajo punonte, atyre u pëlqente të flisnin për tempullin e ri që po ndërtohej në Navu. Ato ishin të lumtura për tempullin.

Saints [Shenjtorët], 1:447

Margareta duke vënë re se punëtorët e tempullit kishin veshur rroba të vjetra.

Një ditë, Margareta vuri re se shumë nga burrat që po ndërtonin tempullin, kishin rroba të vjetra dhe të grisura. Ajo e pyeti veten nëse ajo dhe Sara mund të punonin së bashku për të qepur këmisha të reja për burrat. Sarës i pëlqeu ideja. Ajo dhe Margareta folën me gra të tjera rreth krijimit të një grupi për të ndihmuar punëtorët.

Saints [Shenjtorët], 1:447–448

Jozef Smithi takohet me Margaretën, Sarën dhe gra të tjera për të krijuar Shoqatën e Ndihmës të Kishës.

Profeti Jozef tha se Zoti ishte i lumtur me idenë e tyre dhe se Ai kishte diçka edhe më të mirë për to. Jozefi i ftoi gratë të takoheshin me të më 17 mars 1842. Duke përdorur autoritetin e priftërisë, ai i organizoi gratë e Kishës. Ato vendosën ta quanin grupin e tyre “Shoqata e Ndihmës së Femrave të Navusë”.

Saints [Shenjtorët], 1:448, 450–451

Jozefi i kërkoi Shoqatës së Ndihmës t’i ndihmonte njerëzit që të bëheshin gati për bekimet e tempullit dhe jetën e përjetshme. Ato duhet të jenë shembuj të ndjekjes së Jezusit.

Saints [Shenjtorët], 1:451

Anëtaret e Shoqatës së Ndihmës duke i çuar ushqim një familjeje në nevojë.

Jozefi tha gjithashtu se Shoqata e Ndihmës duhet të gjejë njerëz që janë të varfër dhe t’i ndihmojë ata. Edhe gratë që ishin të varfra, donin t’i ndihmonin nevojtarët.

Saints [Shenjtorët], 1:449

Shoqata e Ndihmës u organizua. Ema Smithi u thirr si presidente. Ajo thirri dy këshilltare, Sara Klivlendin dhe En Uitnin. Ajo thirri edhe një sekretare, Eliza R. Snoun.

Saints [Shenjtorët], 1:450

Ema duke u dhënë mësim grave në Shoqatën e Ndihmës.

Zoti e ndihmoi Emën që ta përmbushte thirrjen e saj. Ema u mësoi grave se ato mund të bënin gjëra të mëdha në shërbim të Zotit. Ajo donte që secila prej tyre të kërkonte mënyra për të bërë mirë. Më e rëndësishmja, u tha ajo, ishte që t’i donin njerëzit e tjerë ashtu siç i donte Jezusi. Shumë gra në Navu u bashkuan me Shoqatën e Ndihmës.

Doktrina e Besëlidhje 25:3, 7; Saints [Shenjtorët], 1:451

Një montazh ilustrimesh që portretizon se si gratë në Kishë i kanë ndihmuar njerëzit në mbarë botën.

Ato i ndihmuan njerëzit të përgatiteshin për bekimet e tempullit dhe ndihmuan shumë familje në nevojë në Navu. Që prej asaj kohe, gratë në të gjithë botën i janë bashkuar Shoqatës së Ndihmës. Ato vazhdojnë t’u shërbejnë njerëzve dhe t’i ndihmojnë ata të marrin bekimet e tempullit.

Saints [Shenjtorët], 1:451