Hajrëm Pejxhi dhe Zbulesa

Hajrëm Pejxhi ishte një mik i Jozef Smithit dhe Oliver Kaudërit. Ai ishte gjithashtu një nga tetë dëshmitarët e fletëve të arta. Hajrëmi kishte një gur dhe besonte se Perëndia po e përdorte atë për t’i dhënë atij mesazhe ose zbulesa për Kishën. Oliveri dhe shenjtorë të tjerë besonin se zbulesat e Hajrëmit vinin nga Perëndia.

Doktrina e Besëlidhje 28, kreu i seksionit; Saints [Shenjtorët], 1:97

Zbulesat e Hajrëmit dukeshin si shkrimet e shenjta. Por ato ishin të ndryshme nga ajo që na mësohet në Bibël. Ato gjithashtu qenë ndryshe nga ajo që Zoti i kishte thënë Profetit Jozef. Jozefi nuk ishte i sigurt se çfarë të bënte.

Saints [Shenjtorët], 1:97

Jozefi qëndroi zgjuar thuajse gjithë natën duke i kërkuar ndihmë Perëndisë. Ai shqetësohej se do të bënte gjënë e gabuar dhe do t’i lëndonte ndjenjat e miqve të tij.

Saints [Shenjtorët], 1:97

Jozefi donte që njerëzit të kërkonin zbulesë për jetën e tyre. Por do të ishte ngatërruese nëse të gjithë do të përpiqeshin të merrnin zbulesë për të gjithë Kishën.

Saints [Shenjtorët], 1:97

Më në fund, Zoti i dha Jozefit një zbulesë për t’ia treguar Oliverit. Zoti tha se vetëm profeti mund të marrë zbulesë dhe urdhërime për të gjithë Kishën. Ai tha që Oliveri duhej t’ia mësonte këtë Hajrëmit.

Doktrina e Besëlidhje 28:2, 6–13

Zoti donte që Hajrëmi të kuptonte se ai mund të merrte zbulesë për jetën e vet. Por zbulesa për Kishën do t’i vinte profetit të Zotit. Hajrëmi ia vuri veshin Oliverit dhe u pendua. Tani shenjtorët e kuptuan më mirë se si Zoti e udhërrëfen Kishën e Tij.

Saints [Shenjtorët], 1:98