Тэлий Их Эзэнд үйлчилсэн нь

Тубуаид Сүмийг байгуулсан нь

Тэлий болон бусад хүн хожмын үеийн гэгээнтэн номлогчид ирэхийг харж байгаа нь.

Тэлий гэх нэгэн эмэгтэй Тубуай гэдэг жижиг арал дээр амьдардаг байв. Өөр өөр сүмийн номлогчид заримдаа Тубуаид ирдэг байсан ч нэг их уддаггүй байж. 1844 оны нэгэн өдөр Есүс Христийн Хожмын Үеийн Гэгээнтнүүдийн Сүмийн номлогчид Тубуаид ирснийг сонсоод Тэлий баярлав.

Сургаал ба Гэрээнүүд 1:1; 133:8

Тэлий, Набота хоёр номлогчдыг гэртээ байлгахаар урьжээ.

Номлогчид том арлууд руу явахаар дамжин өнгөрч байв. Гэвч Тубуаи дахь хүмүүс тэднийг тэнд үлдэж, сайн мэдээг заахыг хүсжээ. Тэлий болон түүний нөхөр Набота номлогчдыг тэдний гэрт байж болно гэж хэлэв. Номлогчдын нэг Аддисон Пратт ч үүнтэй нь санал нийлжээ.

Saints, 1:573–574

Тэлий, Набота хоёр номлогчдын нэгтэй нь хамт хоол идэж байгаа нь.

Тэлий, Набота хоёр байгаа бүхнээ Аддисонтой хуваалцжээ. Тэд түүнд өөрсдийн хэлийг зааж сургасан бөгөөд Аддисон Есүс Христийн талаар тэдэнд заав.

Тэлийг баптисм хүртэж байгааг Набота харж байгаа нь.

Аврагчийн сайн мэдээ үнэн гэдгийг Ариун Сүнс Тэлий, Набота хоёрт хэлэв. Тэд Тубуаид баптисм хүртсэн хамгийн анхны хүмүүс байв.

Saints, 1:573–574

Тэлий болон бусад хүмүүс Тубуаи дахь хүмүүстэй сайн мэдээг хуваалцаж байгаа нь.

Тэлий, Набота, Аддисон нар маш сайн найзууд болжээ. Тэд хамтдаа аялж, Тубуаид болон бусад аралд сайн мэдээг заадаг байв. Хүмүүс Тубуаи дахь гэгээнтнүүдэд Сүмд нэгдэх ёсгүй байсан юм гэж хэлэхэд нь Тэлий тэдэнд Сүм үнэн гэдгийг судруудаас заадаг байж.

Saints, 2:27, 45

Тэлий, Набота болон бусад гэгээнтэн хамтдаа дуулж байгаа нь.

Тэлий Тубуаи дахь өөр олон хүнд Есүс Христийн сайн мэдээнээс суралцахад нь туслахыг хүсэж байв. Тэр судруудыг дуу болгож, олон хүнийг бүлэг болгон цуглуулж оройн цагаар хамт дуулахад урьдаг байжээ. Тэлийгийн дуунууд олон хүнд судруудаас суралцаж, сурч мэдсэн зүйлээ тогтооход тусалдаг байв.

Сургаал ба Гэрээнүүд 25:12

Тэлий болон түүний гэр бүлийнхэн Аддисоны гэр бүлийг угтан авч байгаа нь.

Олон жилийн дараа Аддисоны гэр бүл гээд өөр олон номлогч Тубуаид ирсэн юм. Тэлий тэднийг гэртээ угтан авдаг байж. Тэр Аддисоны эхнэр Луизатай хамт Тубуайн эмэгтэйчүүдэд үйлчилдэг байв.

Saints, 2:133–134

Тэлий болон түүний гэр бүл сайн мэдээг бусадтай үргэлжлүүлэн хуваалцсаар.

Хэсэг хугацааны дараа номлогчид Тубуаи болон бусад арлуудыг орхин явахаас өөр аргагүй байдалд хүрчээ. Гэсэн ч Тэлий гэгээнтнүүдэд зааж, тэднийг удирдасаар байв. Тэлийгийн үлгэр жишээ, үйлчлэлийн ачаар Тубуаи дахь Сүм хүчтэй хэвээр үлдсэн юм.

Saints, 2:150–151