“Наувуг байгуулсан нь,” Сургаал ба Гэрээнүүдийн түүхүүд (2024)
“Наувуг байгуулсан нь,” Сургаал ба Гэрээнүүдийн түүхүүд
1840–1842 он
Наувуг байгуулсан нь
Үзэсгэлэнт хотод зориулсан Их Эзэний төлөвлөгөө
Их Эзэн гэгээнтнүүдэд нэгэн шинэ газарт цуглар гэж хэлжээ. Энэ нь Миссисипи хэмээх нэгэн том голын ойролцоо байв. Уг газар нь нойтон, шавартай байлаа. Зарим хүмүүст энэ газар хот барихад тийм ч тохиромжтой газар байсангүй. Гэвч тэд Их Эзэний тусламжтайгаар энэ газрыг үзэсгэлэнтэй сайхан болгож чадна гэдгийг бошиглогч Иосеф Смит мэдэж байв.
Сургаал ба Гэрээнүүд 124:25; Гэгээнтнүүд, 1:417
Гэгээнтнүүд энэ газрыг амьдрахад илүү таатай болгохоор шаргуу хөдөлмөрлөж эхлэв. Бошиглогч Иосеф энэ хотыг Науву буюу “үзэсгэлэнтэй сайхан газар” гэж нэрлэжээ.
Гэгээнтнүүд, 1:417
Их Эзэн Наувуд аянчид ирж, амарч болох байшин барь хэмээн гэгээнтнүүдэд хэлэв. Тэрээр Науву хүн бүрийг халуун дотноор хүлээн авдаг газар байгаасай гэж хүссэн юм.
Сургаал ба Гэрээнүүд 124:22–24; Гэгээнтнүүд, 1:426
Их Эзэн Өөрт нь Наувуд зориулсан агуу төлөвлөгөөнүүд бий гэдгийг бошиглогч Иосеф Смитэд хэлжээ. Тэр гэгээнтнүүдийг ариун сүм барихаар энд цугларахыг хүссэн юм. Тэр тэднээс Өөрийнх нь өргөөг барихын тулд хамгийн сайнаараа ажиллахыг хүсжээ. Гэгээнтнүүд хурдан ажиллаж эхлэв.
Сургаал ба Гэрээнүүд 124:25–28, 44, 55; Гэгээнтнүүд, 1:420–421, 425–427
Их Эзэнд гэгээнтнүүдэд өгөх агуу адислалууд байсан учраас ариун сүм барихыг тэднээс хүссэн билээ. Ариун сүмд тэд Их Эзэнтэй гэрээ буюу онцгой амлалтуудыг байгуулах байв. Тэд мөн Тэнгэрлэг Эцэгийн бүх хүүхдүүддээ зориулсан аз жаргалын төлөвлөгөөний тухай суралцах байлаа.
Сургаал ба Гэрээнүүд 124:29-41; Гэгээнтнүүд, 1:453-455
Гэгээнтнүүд Их Эзэний зарлигласнаар ариун сүмийг барихаар шаргуу ажиллажээ. Үүнд нэлээд хугацаа орсон ч тэд Их Эзэний ариун сүмд тэдэнд зориулсан онцгой амлалтуудыг олж мэдэхээр хүн нэг бүрийн сэтгэл догдолж байсан юм.
Гэгээнтнүүд, 1:453–455