Dagiti Estoria iti Nasantuan a Kasuratan
Tagtagainep ni Desideria

“Tagtagainep ni Desideria,” Dagiti Estoria iti Doktrina ken Katulagan (2024)

“Tagtagainep ni Desideria,” Dagiti Estoria iti Doktrina ken Katulagan

1880–1886

Tagtagainep ni Desideria

Inturong ti Apo Idiay Mexico

Agtagtagainep ni Desideria Yáñez.

Nagnaed ni Desideria Yáñez iti Nopala, Mexico. Maysa a rabii, nagtagtagainep ni Desideria maipapan iti maysa a bassit a libro a maar-aramid iti Mexico City. Naawagan daytoy iti Voz de amonestación, wenno Timek a Pammallaag. Idi nakariing ni Desideria, ammona a masapul a birokenna dayta a libro.

Saints, 2:477

Ni Desideria a mangibagbaga iti tagtagainepna iti anakna.

Ngem adayo ti Mexico City, ket baket unayen ni Desideria tapno agbiahe iti adayo. Nariknana a kayat ti Apo a birokenna dayta a libro. Isu nga imbagana iti anakna a ni José ti maipapan iti tagtagainepna. Patien ti anakna a napateg met ti libro. Imbagana ken ni nanangna a birokenna daytoy para kenkuana.

Saints, 2:478

Ni José a sumangsangpet iti Siudad ti Mexico.

Idi simmangpet ni José iti Siudad ti Mexico, naariwawa, naringgor, ken napno iti tattao dagiti kalsada. Kasano a masarakanna ti libro iti kasta a lugar a napno iti tattao?

Saints, 2:478

Ni José a makipagkita ken ni James Stewart.

Kalpasan ti sumagmamano nga aldaw, naam-ammo ni José ti maysa a misionario nga agnagan James Stewart. Kinuna ni James nga agtartrabaho isuna iti panagimprenta iti libro a maawagan iti Voz de amonestación.

Saints, 2:478

Ni James nga agsarsarita maipapan iti Libro ni Mormon.

Naragsakan unay ni José! Imbagana ken ni James maipapan iti tagtagainep ni nanangna. Inlawlawag ni James nga usarento dagiti misionario ti Voz de amonestación a pangisuro kadagiti tao maipapan ken ni Jesucristo ken iti baro a libro ti nasantuan a kasuratan, ti Libro ni Mormon.

Saints, 2:478

Ni James a mangmangted kadagiti libro ken ni José a mangtulong kenkuana nga agsursuro maipapan iti ebanghelio.

Saan pay a nalpas tiVoz de amonestación ken saan pay a naipatarus ti Libro ni Mormon iti Espaniol. Ngem inted ni James ken ni José ti dadduma pay a libro ken periodiko a mangtulong kenkuana ken ni nanangna nga agsursuro maipapan ken ni Jesucristo, iti Libro ni Mormon, ken iti naisubli a Simbaan.

Doktrina ken Katulagan 90:11; Saints, 2:478–79

Ni José ken ni nanangna nga aggiddan nga agsursuro maipapan iti ebanghelio.

Nagdardaras ni José a nagawid ken ni nanangna. Naggiddanda a nagadal iti ebanghelio, ket ammoda a pudno daytoy. Kiniddaw ni Desideria nga umay dagiti misionario a mangbuniag kenkuana.

Saints, 2:479

Da Desideria, José, ken ti anak ni José a ni Carmen a mabumbuniagan.

Ni Desideria ti maysa kadagiti immuna a babbai a nabuniagan iti Mexico. Nabuniagan met ni José ken ti balasangna.

Saints, 2:479

Ni Desideria nga umaw-awat iti maysa a kopia ti Libro ni Mormon.

Idi nalpasen ti Voz de amonestación , nangala ni José iti 10 a kopia para ken ni nanangna tapno ibinglayna kadagiti dadduma idiay Nopala. Kalpasan ti adu a tawen, idi naimprenta iti kamaudiananna ti Libro ni Mormon iti Espaniol, ni Desideria ti kaunaan a tao idiay Mexico a nakaawat iti maysa a kopia. Ammona nga inturong ti Apo isuna iti naisubli a Simbaanna.

Doktrina ken Katulagan 88:81; Saints, 2:479