Panagasawa iti Ad-adu ngem Maysa

Bayat ti panangadal ni Propeta Joseph ti Biblia, nabasana ti maipapan kadagiti propeta a kas kada Abraham ken Moises a nagasawa iti ad-adu ngem maysa nga asawa a babai. Adu dagiti saludsod ni Joseph. Isu nga inkeddengna ti agkararag ken agsaludsod iti Apo.

Doktrina ken Katulagan 132:1; Saints, 1:121, 503

Kinuna ti Apo a gagangay a nasken ti maysa a lalaki nga addaan laeng iti maysa nga asawa. Ngem no dadduma ibilin ti Apo iti maysa a lalaki a makikallaysa iti ad-adu ngem maysa nga asawa a babai. Naawagan daytoy iti panagasawa iti ad-adu ngem maysa. Imbaga ti Apo ken ni Joseph a nasken laeng a makikallaysa dagiti taona iti ad-adu ngem maysa no ibilinna daytoy.

Jacob 2:27–30; Doktrina ken Katulagan 132:34–39; Saints, 1:121, 290–91, 489–90, 503

Kalpasan ti adu a tawen, imbaga ti Apo ken ni Joseph ken iti dadduma pay a Santo nga agasawada iti ad-adu ngem maysa. Saan a nalaka ti agbiag iti daytoy a bilin.

Saints, 1:290–91, 444–46

Nagaramid ti gobierno kadagiti linteg a maisuppiat iti panagasawa iti ad-adu ngem maysa. Naibalud ti sumagmamano a Santo, agraman dagiti lider ti Simbaan.

Saints, 2:501–4

Idi 1890, imbaga ti Apo ken ni Wilford Woodruff, ti Presidente ti Simbaan, a saanen a nasken a makikallaysa dagiti lallaki iti ad-adu ngem maysa nga asawa a babai. Imbinglay dagiti lider ti Simbaan daytoy a bilin kadagiti Santo. Agingga ita, daytoy pay laeng ti bilin ti Apo—a nasken a makikallaysa ti maysa a lalaki iti maymaysa laeng nga asawa a babai.

Opisial a Palawag 1; Saints, 2:598–601, 607–9