Maysa nga Aldaw ti Panagagas

Panangbendision iti masakit babaen ti bileg ti Dios

Maysa a guardia iti pagbaludan a makisarsarita ken ni Joseph Smith.

Kabayatan ti pannakabalud ni Joseph Smith ken dadduma pay a lider ti Simbaan iti Missouri, impan ida ti sumagmamano a guardia iti sabali a pagbaludan. Naasi dagiti guardia kadagiti balud. Maysa a rabii, imbaga ti lider dagiti guardia ken ni Joseph a mapan maturog, ket no aglibas ni Joseph ken dagiti gagayyemna, saannanto a lapdan ida.

Saints, 1:392–93

Ni Joseph a mangkabkablaaw iti pamiliana.

Naglibas ni Joseph ken ti dadduma pay a lider ti Simbaan. Nasarakanda dagiti pamiliada nga agnanaed iti maysa nga ili a maawagan iti Quincy.

Saints, 1:395–96

Tattao a mangmangted iti taraon ken pagyanan kadagiti Santo.

Naasi dagiti tao iti Quincy kadagiti Santo. Mangtedda kadagiti Santo iti taraon ken kawes ken pagdagusan.

Saints, 1:377

Dagiti Santo a mangrugrugi a mangbangon iti Nauvoo.

Nagyaman dagiti Santo iti kinasayaat dagiti tao iti Quincy. Ngem ammo ni Joseph a kasapulanda ti bukodda a lugar a pagnaedan. Gimmatang dagiti lider ti Simbaan iti sumagmamano a daga nga awan ti mayat, ket nangrugi dagiti Santo nga umakar sadiay.

Saints, 1:399–400

Maysa a babai a mangay-aywan iti sabali a babai nga addaan iti malaria.

Asideg ti daga iti dakkel a karayan. Nabasa ken napitak daytoy ken napno iti lamok. Dagiti lamok ti namagsakit unay iti adu kadagiti Santo iti sakit a maawagan iti malaria. Natay ti dadduma kadakuada.

Saints, 1:402

Da Joseph Smith ken Wilford Woodruff a mangmangted iti bendision ti kinasaserdote iti masakit nga ubing a lalaki.

Idi nakita ni Joseph a nakad-adu a tattao ti masakit, inummongna ti sumagmamano a lider ti Simbaan ket kiniddawna kadakuada nga umayda a kumuyog kenkuana. Iti intero nga agsapa, napanda iti tunggal pamilia, sinarungkaranda dagiti masakit ken binendisionanda ida. Inusarda ti bileg ni Jesucristo a mangagas kadakuada iti sakitda.

Saints, 1:402

Ni Joseph a makisarsarita ken ni Elijah Fordham.

Maysa a tao a sinarungkaranda ni Elijah Fordham. Masakit unay, impagarup ti asawana a dumanin matay isuna. Dinamag ni Joseph ken ni Elijah no adda pammatina a maagasan.

Saints, 1:402

Ni Elijah a mangibagbaga ken ni Joseph no adda pammatina a maagasan.

Kinuna ni Elijah, “Mabutengak a naladawen.” Dinamag ni Joseph ken ni Elijah no mamati ken ni Jesucristo. “Wen, Brother Joseph,” insungbatna.

Saints, 1:402

Ni Elijah a tumaktakder kalpasan ti panangawatna iti bendision ti kinasaserdote.

Binendisionan ni Joseph isuna iti nagan ni Jesucristo. Timmakder ni Elijah. Inagasan ni Jesus isuna! Kalpasanna sinurot ni Elijah ni Joseph nga agturong iti sumaganad a balay ket tinulonganna a nangbendision kadagiti dadduma a tao a masakit.

Saints, 1:402–3