Masursuro dagiti Santo maipapan iti Panangbuniag para kadagiti Natay

Nagnaed ni Jane Neyman idiay Nauvoo. Napan isuna iti maysa a pumpon a pagsaritaan ni Joseph Smith. Ti pumpon ti gapu ti nakapanunotan ni Jane iti anakna a ni Cyrus. Natayen isuna ken saan a nabuniagan. Nagdanag ni Jane maipapan ken ni Cyrus. Ammona a masapul a mabuniagantayo tapno makipagnaed iti Nailangitan nga Ama.

Saints, 1:421

Ammo ni Joseph no kasano ti riknana. Kasta met idi ti pampanunotenna maipapan iti kabsatna a ni Alvin, a natay met a saan a nabuniagan.

Saints, 1:421

Iti pumpon, nangibinglay ni Joseph iti maysa a banag nga insuro kenkuana ti Dios. Kinunana a no adda natay a saan a nabuniagan, mabalintayo ti mabuniagan para kadakuada.

Saints, 1:421

Naragsakan unay ni Jane idi nangngegna daytoy! Di nagbayag kalpasan ti pumpon, napan iti karayan a kaduana ti maysa nga elder ti Simbaan. Binuniaganna ni Jane para ken ni Cyrus.

Saints, 1:421

Sumagmamano a lawas kalpasanna, insuro ni Joseph kadagiti Santo ti ad-adu pay maipapan iti panagbuniag para kadagiti natay. Kinunana nga adu a tattao a natayen ti mayat a mabuniagan. Kayatda a suroten ni Jesucristo. Agur-uray ken mangnamnamada kadagiti miembro ti pamiliada a sibibiag pay laeng a mabuniagan para kadakuada.

Doktrina ken Katulagan 128:15–19; Saints, 1:423

Dagus a nagtaray dagiti Santo a napan iti karayan. Nabuniaganda para kadagiti tao nga ay-ayatenda. Nabuniagan ni Hyrum Smith para ken ni Alvin. Idi agangay, insuro ti Apo a nasken a maaramid iti templo ti panagbuniag para kadagiti natay, nga adda maysa a tao a mangidulin iti rekord ti tunggal panagbuniag, ken nasken a mabuniagan dagiti lallaki para kadagiti lallaki ken mabuniagan dagiti babbai para kadagiti babbai.

Doktrina ken Katulagan 124:29–32; 127:5–12; 128:1–9; Saints, 1:424