Dagiti Estoria iti Nasantuan a Kasuratan
Ibinglay ni Samuel Smith ti Libro ni Mormon

“Ibinglay ni Samuel Smith ti Libro ni Mormon,” Dagiti Estoria iti Doktrina ken Katulagan (2024)

“Ibinglay ni Samuel Smith ti Libro ni Mormon,” Dagiti Estoria iti Doktrina ken Katulagan

1830–1832

Ibinglay ni Samuel Smith ti Libro ni Mormon

Bendisionan ti maysa a libro ti adu a biag

Ni Samuel Smith a mangibingbinglay iti Libro ni Mormon kada John ken Rhoda Greene.

Inawagan ti Apo ni Samuel Smith, ading ni Joseph, iti mision tapno mangibinglay iti ebanghelio. Naam-ammo ni Samuel da John ken Rhoda Greene ket imbagana kadakuada maipapan iti Libro ni Mormon. Maysa a mangaskasaba ni John iti sabali a simbaan. Kinunana a mangala iti maysa a kopia ti libro ket kitaenna no adda asinoman iti simbaanna a mangayat a mangbasa iti daytoy.

Saints, 1:99

Ni Rhoda a mangisubsubli iti Libro ni Mormon ken ni Samuel.

Kalpasan ti sumagmamano a bulan, nagsubli ni Samuel. Kinuna ni Rhoda a saan a makasarak ti asawana iti asinoman a mangayat a mangbasa iti Libro ni Mormon. Insublina daytoy ken ni Samuel.

Saints, 1:99

Ni Rhoda a mangibagbaga ken ni Samuel a magustuanna ti agbasa iti Libro ni Mormon.

Nagliday ni Samuel. Nagpusipos tapno pumanaw, ngem pinagsardeng ni Rhoda isuna. Kinunana a nabasanan ti Libro ni Mormon, ket nagustuanna.

Saints, 1:99

Ni Samuel a mangisubsubli iti Libro ni Mormon ken ni Rhoda ken mangaw-awis kenkuana a dumawat iti pammaneknek iti Dios.

Imbaga ti Espiritu Santo ken ni Samuel nga isublina ti libro ken ni Rhoda. “Agkiddawka iti Dios a mangted kenka iti pammaneknek,” imbaga ni Samuel kenkuana. “Insurona ni Rhoda maipapan iti Espiritu Santo ken no kasano a maammuanna a pudno ti Libro ni Mormon.

Moroni 10:3–5; Saints, 1:99–100

Panagawid ni Samuel manipud iti misionna.

Nagawid ni Samuel manipud iti misionna. Awan ti nabuniaganna, ket sumagmamano laeng a tao ti nagessem iti Libro ni Mormon.

Ni Rhoda a mangibingbinglay iti Libro ni Mormon iti kabsatna, ni Brigham Young.

Nagkararag da Rhoda ken John, ket imbaga ti Espiritu Santo kadakuada a pudno ti Libro ni Mormon. Kalpasanna, imbinglay ni Rhoda ti libro iti kabsatna, ni Brigham Young.

Saints, 1:100

Da Brigham Young ken Heber Kimball nga agbasbasa iti Libro ni Mormon.

Agsapsapul ni Brigham ken ti gayyemna, ni Heber Kimball, iti pudno a Simbaan ni Jesus. Binasada ti Libro ni Mormon. Nagadal ken nagkararagda maipapan iti ebanghelio ni Jesucristo iti dandani dua a tawen.

Ni Brigham a dumdumngeg iti maysa a misionario a mangibinglay iti pammaneknekna.

Kabayatan daytoy a panawen, napan da Brigham ken Heber kadagiti miting ti Simbaan a kaduada dagiti pamiliada. Iti maysa kadagitoy a miting, nangngeg ni Brigham ti maysa a misionario a nangibinglay iti pammaneknekna. Saan a nalaing nga agsarita ti misionario, ngem narikna ni Brigham ti Espiritu Santo bayat ti panagsaritana. Ammo ni Brigham nga ibagbagana ti kinapudno.

Da Brigham ken Heber a mangibingbinglay iti ebanghelio.

Nabuniagan da Brigham, Heber, ken dagiti assawada, da Miriam ken Vilate. Inayatda ti Mangisalakaan ken ti ebangheliona. Kalpasan ti adu tawen, inawagan ti Apo da Brigham ken Heber nga agbalin nga Apostolna ken agserbi kadagiti mision. Gapu ta imbinglay ni Samuel ti Libro ni Mormon, adu a tattao ti kimmappeng iti Simbaan ti Mangisalakan.

Doktrina ken Katulagan 124:127–29; 126; Saints, 1:215–16