Ni Lucy Morley ken ti Pamiliana

Maysa nga aldaw, tultulongan ti agtawen-iti-15 a ni Lucy Morley ti kaarrubana, ni Abigail Daniels, nga agabel iti lupot. Bayat ti panangtrabahoda, adda nangngegda a nagtuktok iti ridaw. Talloda a misionario. Pinastrek ida ni Abigail. Kinunada nga imbaon ida ni Jesucristo a mangibinglay iti maysa a mensahe.

Saints, 1:102–3

Imbaga dagiti lallaki kada Abigail ken Lucy nga inawagan ni Jesus ni Joseph Smith nga agbalin a propeta. Imbagada pay kadakuada ti maipapan iti Libro ni Mormon.

Saints, 1:103

Iti siddaaw ni Lucy, nakapungtot ni Abigail. Pinapanawna dagiti misionario iti balayna.

Saints, 1:103

Ammo ni Lucy a katulongan ti Dios dagitoy a misionario. Imbagana kadakuada a sarungkaranda ti pamiliana iti baba ti kalsada. “Agindeg ni tatangko maysa a milia manipud ditoy,” kinunana. “Inkayo sadiay ket mapakan ken maasikasokayto.”

Saints, 1:103–4

Husto ti kinuna ni Lucy. Nakapangan a nasayaat dagiti misionario iti pagtaengan ti pamilia Morley. Gagayyem ni Sidney Rigdon dagiti nagannak ni Lucy. Mamatida a tarigagayan ni Jesus nga ibinglayda ti amin nga adda kadakuada kadagiti dadduma. Inawisda dagiti misionario a mangisuro kadakuada ken kadagiti gagayyemda.

Saints, 1:104

Dayta a rabii, iti agarup tengnga ti rabii, 17 a tattao ti nabuniagan. Kadagiti simmaruno a sumagmamano nga aldaw, immay ti 50 pay a tattao iti talon dagiti Morley tapno dumngeg kadagiti misionario, ket indawatda a mabuniaganda. Uray ti gayyem ni Lucy a ni Abigail Daniels ket nagbalbaliw ti panunotna maipapan kadagiti misionario. Inkeddengna ken ti asawana ti makikappeng iti Simbaan.

Saints, 1:105; Doktrina ken Katulagan 20:25, 37