“Da Sidney ken Phebe Rigdon,” Dagiti Estoria iti Doktrina ken Katulagan (2024)
“Da Sidney ken Phebe Rigdon,” Dagiti Estoria iti Doktrina ken Katulagan
Oktubre–Nobiembre 1830
Da Sidney ken Phebe Rigdon
Panangbalbaliw ti biagda a mangawat iti ebanghelio
Ibinglay ni Parley Pratt ken ti dadduma pay ti ebanghelio kadagiti Katutubo nga Amerikano. Iti dalanda, kayat ni Parley ti agsardeng ken sumarungkar iti gayyemna a ni Sidney Rigdon. Maysa a manangaskasaba ni Sidney a nangisuro ken ni Parley maipapan ken ni Jesucristo iti Biblia. Ita kayat ni Parley nga isuro ni Sidney maipapan ken ni Jesus iti Libro ni Mormon.
Doktrina ken Katulagan 32; Saints, 1:99
Imbaga ni Parley ken ni Sidney maipapan iti Libro ni Mormon ken inyawisna kenkuana a basaenna daytoy. Saan a sigurado ni Sidney, ngem gapu ta gayyemna ni Parley, inkarina a basaenna.
Saints, 1:100
Idi binasa ni Sidney ti Libro ni Mormon, ammona a naggapu daytoy iti Dios. Imbinglayna dagiti riknana iti asawana, ni Phebe.
Saints, 1:101
Ngem saan a sigurado ni Sidney no ania ti sumaruno nga aramidenna. No mabuniagan, mapukawna ti trabahona kas mangaskasaba iti simbaanna. Kasano a maaywananna ni Phebe ken dagiti innem nga annakda? Ania ngata ti rikna dagiti tao iti simbaanna? Nagkararag iti Nailangitan nga Ama para iti tulong, ket naaddaan iti natalna a rikna.
Saints, 1:101; Doktrina ken Katulagan 19:23
Dinamag ni Sidney ken ni Phebe no situtulok a mangisuko iti nagin-awa a biagda ket kumappeng iti daytoy baro a simbaan. “Tarigagayko nga aramiden ti pagayatan ti Dios,” kinunana, “umay ti biag wenno umay ti ipapatay.” Inkeddengda ti mabuniagan.
Saints, 1:101
Idi agangay, naam-ammo ni Sidney ni Propeta Joseph Smith. Nangted ti Apo ken ni Sidney iti maysa a mensahe babaen ken ni Joseph. Kinunana a nakitana dagiti nasayaat nga inaramid ni Sidney ken nangngegna dagiti kararagna. Imbaga ti Apo ken ni Sidney nga adda naindakaln nga aramid a paaramidna kenkuana. Aramiden ni Sidney dagiti naindaklan a banag.