Madarup da Joseph ken Sydney

Padasen dagiti makapungtot a tao a mangpasardeng iti aramid ti propeta ti Dios

Dagiti makapungtot a lallaki nga agsasarita iti asideg ti bonfire.

Nagustuan ti sumagmamano a tao ti isursuro ni Joseph Smith maipapan iti Nailangitan nga Ama, ni Jesucristo, ken langit. Ngem saan a nagustuan ti dadduma a tattao ti insurona. Sumagmamano kadakuada ti nakapungtot ket kayatda a pagsardengen ni Joseph iti panangisuro.

Doktrina ken Katulagan 76; Saints, 1:149–50

Da Emma ken Joseph Smith a mangay-aywan iti masakit a maladagada.

Maysa a rabii, naladaw a naturog ni Joseph a tumultulong ken ni Emma a mangaywan iti maysa kadagiti inamponda a singin a maladaga. Masakit unay ti maladaga.

Saints, 1:150

Ni Emma a mangay-aywan kadagiti ubbing idinto a matmaturog ni Joseph.

Alaen no kua ni Emma ti maladaga ket ibagana ken ni Joseph nga aginana. Nasken a mangasaba iti agsapa. Kamaudiananna, agpada a nakaturog da Joseph ken Emma.

Saints, 1:150

Dagiti lallaki a mangguyguyod ken ni Joseph nga iruar iti balay.

Kellaat a naglukat ti ridaw, ket nagtaray a simrek ti grupo dagiti makapungtot a lallaki iti siled. Nagikkis ni Emma idi iniggaman dagiti lallaki dagiti takiag, saka, ken buok ni Joseph. Ginuyodda nga inruar iti balay.

Saints, 1:150–51

Lallaki a mangguyguyod ken ni Joseph idinto a nakaidda iti suelo ni Sidney Rigdon.

Pinadas ni Joseph ti rumuk-at kadagiti lallaki, ngem iniggamanda a siiirut. Nakita ni Joseph a ginuyod met dagiti lallaki ti gayyemna a ni Sidney Rigdon nga iruar iti pagtaenganna.

Saints, 1:151

Dagiti lallaki a mangibukbukbok ken ni Joseph iti alkitran ken dutdot.

Pinigis dagiti lallaki ti kawes ni Joseph ket imbukbokda ti napudot, ken napigket nga alkitran iti intero a kudil ken buokna. Kalpasanna kinalubanda kadagiti dutdot ket nagtarayda a pimmanaw.

Saints, 1:152

Ni Emma ken dagiti gagayyemna a mangay-aywan kada Joseph ken Sidney.

Kalpasan ti ipapanaw dagiti lallaki, nadalupo a nagsubli ni Joseph iti balay. Nagbuteng ni Emma idi makitana ni Joseph. Nangngeg dagiti gagayyem nga agnanaed iti asideg ti napasamak ket nagdardarasda nga immay timmulong. Kinuskos ni Emma ti alkitran iti kudil ni Joseph. Iti nabati pay nga oras ti rabii, timmulong da Emma ken dagiti gagayyemna a nangaywan kada Joseph ken Sidney.

Doktrina ken Katulagan 25:5; Saints, 1:153

Ni Joseph a mangikaskasaba iti maysa a grupo dagiti Santo.

Kabigatanna, nakaro pay laeng ti ut-ot iti kudil ni Joseph. Ngem nagbado ket insurona ti maysa a grupo dagiti tao maipapan ken ni Jesucristo. Sumagmamano kadagiti lallaki a nangraut kenkuana ti dimngeg iti panangisurona. Idi agangay iti dayta nga aldaw, tallo a tao ti binuniagan ni Joseph. Intultuloyna nga inaramid ti trabaho ti Apo, uray no pinadas dagiti tao a pagsardengen.

Doktrina ken Katulagan 24:8; Saints, 1:153