“Pagbaludan iti Liberty,” Dagiti Estoria iti Doktrina ken Katulagan (2024)
“Pagbaludan iti Liberty,” Dagiti Estoria iti Doktrina ken Katulagan
Oktubre 1838–Marso 1839
Pagbaludan iti Liberty
Panangbirok iti Apo kabayatan dagiti narigat a panawen
Adu a tattao a nagnaed idiay Missouri ti saan a manggusto kadagiti Santo. Imbaon ti gobernador dagiti soldado tapno papanawenda ida. Pinapanaw dagiti soldado dagiti Santo kadagiti pagtaenganda, tinakawda dagiti banag kadagiti balbalayda, ken dinangranda ti adu kadakuada.
Saints, 1:355–56, 362, 364
Tiniliw dagiti soldado ni Propeta Joseph Smith ken ti dadduma pay a lider ti Simbaan.
Saints, 1:357–58
Dinamag ni Joseph no mabalinna ti maaddaan iti sumagmamano nga oras a makapagmaymaysa a kaduana ti pamiliana. Kinuna ti soldado a saan. Impanawda ni Joseph ken dagiti dadduma pay a balud.
Saints, 1:366
Iti maysa a rabii, dimngeg da Joseph ken dagiti dadduma pay a balud bayat ti panagkatkatawa dagiti guardiada maipapan kadagiti dakes a banag nga inaramidda kadagiti Santo. Saanen a maibturan ni Joseph a mangngeg daytoy iti napapaut pay. Timmakder ket impukkawna, “Agulimekkayo!” Nagsao nga addaan iti bileg ti Dios. Nagbuteng dagiti guardia. Nagpadispensarda ket nagsardengdan nga agsao.
Saints, 1:367–68
Idi agangay, naibalud ni Joseph ken dagiti gagayyemna iti maysa nga ili a maawagan iti Liberty. Nalamiis, bassit, ken nasipnget unay ti pagbaludan. Adda laeng sumagmamano a narugit a garami a pagturoganda. Bassit laeng ti taraon, ket daytoy ti gapu ti nagsakitanda.
Saints, 1:369–70, 374, 384–85
Pinampanunot unay ni Joseph maipapan kadagiti Santo. Inayatna ida. Nagdanag maipapan kadakuada. Ngem awan ti maaramidanna a tumulong kadakuada.
Saints, 1:385–86
Napasnek a nagkarkararag ni Joseph. Dinamagna iti Dios no sadino ti ayanna ken no apay a saanna a tultulongan dagiti Santo. Nalipatan kadin ti Dios ti maipapan kenkuana ken iti Simbaan?
Doktrina ken Katulagan 121:1–6
Sinungbatan ti Dios ti kararag ni Joseph. Kinunana, “Anakko, pagtalnaem ti kararuam.” Imbagana ken ni Joseph a saan nga agpaut iti agnanayon dagiti karitna, ket dagitoy ti agpaay iti pagimbaganna. Impalagip ti Dios ken ni Joseph a napasaran ni Jesucristo dagiti narigrigat pay a banag. Inkarina a kaduananto ni Joseph iti “agnanayon nga awan ingggana.”