“Maysa a Mision kadagiti Katutubo nga Amerikano,” Dagiti Estoria iti Doktrina ken Katulagan (2024)
“Maysa a Mision kadagiti Katutubo nga Amerikano,” Dagiti Estoria iti Doktrina ken Katulagan
Oktubre 1830–Enero 1831
Maysa a Mision kadagiti Katutubo nga Amerikano
Denggen dagiti Indian ti Delaware ti ebanghelio
Di nagbayag kalpasan a nabuniagan ni Parley Pratt, inawagan ti Apo isuna a makikadua ken ni Oliver Cowdery ken ti dadduma pay iti maysa a mision. Kayatna nga ikasabada ti ebanghelio kadagiti Katutubo nga Amerikano. Nagdaliasat dagiti misionario iti adu a lawas iti nabengbeng a niebe. Kamaudiananna, naam-ammoda ni Kikthawenund, hepe dagiti Indian ti Delaware.
Doktrina ken Katulagan 28:14; 30:5–6; 32; Saints, 1:98, 115
Mannakigayyem ti hepe kadagiti misionario. Inawisna dagiti gagayyemna a dumngeg iti mensaheda. Kinuna ni Oliver a nagdaliasatda ken Parley iti adayo tapno mangyeg kadakuada iti Libro ni Mormon. Isaritana ti maipapan kadagiti tao a nagnaed iti America iti napalabas a nabayag a panawen. Kayat ti Dios nga ibinglayda ti libro tapno maammuan ti tunggal maysa ti maipapan ken ni Jesucristo.
Saints, 1:115–16
Ikkan ni Oliver ni Kikthawenund iti maysa a kopia ti Libro ni Mormon. Nagyaman isuna nga immay ni Oliver ken dagiti gagayyemna tapno ibinglayda daytoy kadagiti taona. Imbagana kada Oliver ken Parley a kayatna nga agsublida tapno ibasada kadakuada ken isuroda kadakuada ti ad-adu pay maipapan iti Libro ni Mormon.
Saints, 1:116–17