“Ti Mision ni Parley iti Canada,” Dagiti Estoria iti Doktrina ken Katulagan (2024)
“Ti Mision ni Parley iti Canada,” Dagiti Estoria iti Doktrina ken Katulagan
Abril–Hunio 1836
Ti Mision ni Parley iti Canada
Panangipakita iti pammati kadagiti kari ti Apo
Di nagbayag kalpasan a naidaton ti Templo iti Kirtland, adu a lider ti Simbaan ti napan kadagiti mision a mangikasaba iti ebanghelio.
Doktrina ken Katulagan 88:81; 109:22–23; 112:28–29; Saints, 1:249
Pagay-ayat ni Parley Pratt ti mangibinglay iti ebanghelio. Ngem napanunotna a nasken nga agtalinaed iti pagtaengan ta masakit ti asawana nga agnagan iti Thankful. Awan met ti adu a kuartada.
Saints, 1:249
Immay simmarungkar ni Heber Kimball, a gayyem ni Parley ken ti maysa kadagiti Apostol. Inikkanna ni Parley iti bendision ket kinunana a nasken nga ikasabana ti ebanghelio iti Canada. Iti bendision, inkari ni Heber a malainganto ni Thankful. Inkarina a maaddaanto iti maysa nga anak a lalaki ken tulonganto ti Apo ni Parley a maaddaan iti kuarta a kasapulanna.
Saints, 1:249–50
10 a tawenen nga agdendenna kas agassawa da Thankful ken Parley. Awan ti annakda. Ngem adda pammatida kadagiti kari ti Apo. Nupay narigat ti umadayo ken ni Thankful iti Canada, pimmanaw ni Parley tapno ibinglayna ti ebanghelio.
Saints, 1:250
Iti Canada, nagsapul ni Parley kadagiti lugar a mabalinna a pangisuruan kadagiti tao. Dinamagna no mabalinna ti mangisuro kadagiti simbaan ken dadduma pay a pasdek. Kinuna ti amin a saan.
Saints, 1:252–53
Kalpasanna nakipagkita ni Parley kada John ken Leonora Taylor. Impategda ni Jesucristo ken ti Biblia. Dinamag ni John ken ni Parley no naiduma ti insurona iti Biblia.
Saints, 1:252–53
Kinuna ni Parley nga insurona ti maipapan ken ni Jesus, dagiti propeta, panagbuniag, ken ti Espiritu Santo. Adda amin dagitoy a banag iti Biblia. Sinaludsod ni John, “Ania ngarud ni Joseph Smith ken ti Libro ni Mormon?” Imbaga ni Parley ken ni John nga ammona a pudno ti Libro ni Mormon, kas met laeng iti Biblia, ken maysa a propeta ti Dios ni Joseph Smith.
Saints, 1:253
Namati ni John iti kinuna ni Parley. Binasana ti Libro ni Mormon ket ammona a pudno daytoy. Inawis da John ken Leonora dagiti gagayyemda a da Joseph, Mercy, ken Mary Fielding ken dagiti dadduma pay tapno umay a dumngeg iti panangisuro ni Parley. Adu dagiti tao a nabuniagan ken nagkameng iti Simbaan.
Saints, 1:254–55
Naragsak ni Parley, ngem kayatna ti agawid ken ni Thankful iti Kirtland. Nagpakada kadagiti baro a gagayyemna iti Canada. Bayat ti pannakiabrasana kadakuada, inikkanda iti kuarta a makatulong kenkuana a mangaywan iti pamiliana.
Saints, 1:255–56
Idi nakaawid ni Parley, natakuatanna a nasaysayaaten nga amang ti rikna ni Thankful. Nakagun-od ni Parley iti ad-adu pay a kopia ti Libro ni Mormon ket nagsubli iti Canada tapno agtultuloy a mangibinglay iti ebanghelio. Iti daytoy a gundaway, inkuyognan ni Thankful.
Saints, 1:256
Di nagbayag naammuan da Thankful ken Parley a maaddaanda iti maysa a maladaga. Nalagipda ti bendision nga inted ni Heber ken ni Parley. Nariknada a kasla matungpal a pudno ti amin nga inkari ti Apo iti dayta a bendision.
Saints, 1:256