“Ti Nainsiriban a Balikas (Word of Wisdom),” Dagiti Estoria iti Doktrina ken Katulagan (2024)
“Ti Nainsiriban a Balikas (Word of Wisdom),” Doktrina ken Katulagan
Pebrero 1833
Ti Nainsiriban a Balikas (Word of Wisdom)
Ti linteg ti salun-at ti Apo
Inawis ni Joseph Smith ti sumagmamano a lallaki iti Simbaan a makitaripnong kenkuana iti makinngato a kadsaaran ti tiendaan da Newel ken Ann Whitney. Sadiay a nasursuroda ti ebanghelio ken dadduma pay a topiko, ken nagkararagda a kas maysa a grupo. Inawaganda dagitoy a taripnong iti Pagadalan dagiti Propeta.
Doktrina ken Katulagan 88:117–137; Saints, 1:166
Adu kadagiti lallaki ti nagsigarilio iti suako ken nagngalngal iti tabako kabayatan ti panagadal. Ti asuk ti nangpabalin a naulep ti angin, ken ti tabako ti nangrugit kadagiti suelo. Kalpasan dagiti taripnong, napan iti ngato ni Emma Smith tapno agdalus iti siled. Nakarugrugit daytoy!
Saints, 1:167
Nagkuskos ken nagkuskos ni Emma kadagiti suelo, ngem saan a maikkat dagiti mantsa ti tabako. Kinasaritana ni Joseph maipapan iti rugit.
Saints, 1:167
Dimngeg ni Joseph ken ni Emma. Ti pannakangngegna kenkuana ti namagpanunot kenkuana no kasano ti rikna ti Apo maipapan iti tabako.
Saints, 1:167
Isu a dinamag ni Joseph iti Apo maipapan iti tabako. Imbaga ti Apo ken ni Joseph nga adda Nainsiriban a Balikas para kadagiti Santo.
Doktrina ken Katulagan 89:1–9; Saints, 1:167
Kinuna ti Apo a saan koma nga agsigarilio dagiti Santo, agusar iti tabako, wenno uminum iti arak wenno “napudot nga inumen,” a kaipapananna ti kape ken tsa.
Doktrina ken Katulagan 89:1–9; Saints, 1:167
Insuro pay ti Apo kadagiti Santo a nasayaat a kanen dagiti bukbukel ken bungbunga. Kinunana pay a mabalinda ti mangan no dadduma iti karne.
Doktrina ken Katulagan 89:10–17; Saints, 1:168
Imbaga ti Apo ken ni Joseph a masaluadanto dagiti Santo nga agpili nga agtungpal iti Nainsiriban a Balikas. Inkari ti Apo a bendisionanna ida iti salun-at, pannakaammo, ken pigsa. Imbaga ni Joseph kadagiti lallaki iti Pagadalan dagiti Propeta maipapan iti Nainsiriban a Balikas ti Apo.
Doktrina ken Katulagan 89:18–21; Saints, 1:168
Impuruak dagiti lallaki iti siled ti tabakoda ken dagiti suakoda iti apuy tapno ipakitada a kayatda ti agtulnog iti Nainsiriban a Balikas ti Apo.
Saints, 1:168