Ni Hiram Page ken ti Paltiing

Ni Hiram Page ti gayyem da Joseph Smith ken Oliver Cowdery. Isu pay ti maysa kadagiti walo a saksi dagiti pinanid a balitok. Adda maysa a bato ni Hiram, ket patienna nga us-usaren daytoy ti Dios a mangted kenkuana kadagiti mensahe, wenno paltiing, para iti Simbaan. Patien ni Oliver ken dagiti dadduma a Santo a naggapu iti Dios dagiti paltiing ni Hiram.

Doktrina ken Katulagan 28; paulo a benneg; Saints, 1:97

Kasla nasantuan a kasuratan dagiti paltiing ni Hiram. Ngem maigiddiatda manipud iti no ania ti isuro ti Biblia. Naidumada pay manipud iti no ania iti imbaga ti Apo ken ni Propeta Joseph. Saan a sigurado ni Joseph no ania ti aramidenna.

Saints, 1:97

Nagtalinaed a siririing ni Joseph iti kaaduan ti rabii a dumawdawat iti tulong iti Dios. Madanagan iti panangaramidna iti biddut a banag ken panangpasakit iti rikna dagiti gagayyemna.

Saints, 1:97

Tinarigagayan ni Joseph nga agkiddaw dagiti tao iti paltiing para iti bukodda a biag. Ngem agbalin a makatikaw daytoy no pinadas ti tunggal maysa ti makagun-od iti paltiing para iti sibubukel a Simbaan.

Saints, 1:97

Kamaudiananna, inted ti Apo ken ni Joseph iti paltiing nga ibinglayna ken ni Oliver. Kinuna ti Apo a ti laeng propeta ti makaawat iti paltiing ken bilin para iti sibubukel a Simbaan Kinunana a nasken nga isuro ni Oliver daytoy ken ni Hiram.

Doktrina ken Katulagan 28:2, 6–13

Tinarigagayan ti Apo a maawatan ni Hiram a mabalinna ti umawat iti paltiing para iti bukodna a biag. Ngem dumtengto ti paltiing para iti Simbaan iti propeta ti Apo. Dimngeg ni Hiram ken ni Oliver ket nagbabawi. Nasaysayaat itan a naawatan dagiti Santo no kasano nga iwanwan ti Apo ti Simbaanna.

Saints, 1:98