Ti Relief Society

Agserbi iti Apo dagiti babbai ti Nauvoo

Agsarsarita da Margaret Cook ken Sarah Kimball maipapan iti baro a templo a maibangbangon iti Nauvoo.

Nagnaed ni Margaret Cook idiay Nauvoo. Nagtrabaho ken ni Sarah Kimball, a nangtultulong kenkuana iti panagdait. Bayat ti panagtrabahona, nagustuanda a pagsaritaan maipapan iti baro a templo a maibangbangon iti Nauvoo. Maragsakanda para iti templo.

Saints, 1:447

Nadlaw ni Margaret a nakasuot iti daanen a kawes dagiti trabahador iti templo.

Maysa nga aldaw, nadlaw ni Margaret nga adu kadagiti lallaki a mangbangbangon iti templo ti nakasuot kadagiti daanen ken rutrot a kawes. Pinampanunotna no mabalinda ken ni Sarah ti agtitinnulong a mangdait kadagiti baro a kamisadentro para kadagiti lallaki. Nagustuan ni Sarah ti ideya. Nakisaritada ken ni Margaret kadagiti dadduma pay a babbai maipapan iti panangbukelda iti maysa a grupo a tumulong kadagiti trabahador.

Saints, 1:447–48

Ni Joseph Smith a makipagkita kada Margaret, Sarah, ken dadduma pay tapno mangbukel iti Relief Society ti Simbaan.

Kinuna ni Propeta Joseph a naragsakan ti Apo iti kapanunotanda, ket addaan Isuna iti maysa a banag nasaysayaat pay para kadakuada. Inawis ni Joseph dagiti babbai a makipagkita kenkuana idi Marso 17, 1842. Babaen ti panangusarna iti turay ti kinasaserdote, binukelna dagiti babbai ti Simbaan. Inkeddengda nga awagan ti grupoda iti Female Relief Society ti Nauvoo.

Saints, 1:448, 450–51

Ni Margaret a makisarsarita iti dua a babbai.

Kiniddaw ni Joseph iti Relief Society a tulonganda dagiti tao nga agsagana para kadagiti bendision ti templo ken biag nga agnanayon. Rumbeng nga isuda ti pagwadan ti panangsurot ken ni Jesus.

Saints, 1:451

Dagiti miembro ti Relief Society a mangmangyeg iti taraon iti maysa a pamilia nga agkasapulan.

Kinuna pay ni Joseph a masapul a biroken ti Relief Society dagiti tao a napanglaw ken tulongan ida. Kayat uray dagiti babbai a napanglaw a tulonganda dagiti tao nga agkasapulan.

Saints, 1:449

Ti Relief Society a mabukbukel. Naawagan ni Emma Smith nga agbalin a presidente. Nangawag iti dua a mammagbaga, da Sarah Cleveland ken Ann Whitney. Nangawag pay iti maysa a sekretaria, ni Eliza R. Snow.

Saints, 1:450

Ni Emma a mangisursuro kadagiti babbai iti Relief Society.

Tinulongan ti Apo ni Emma a mangipatungpal iti calling-na. Insuro ni Emma kadagiti babbai a makaaramidda kadagiti naindaklan a banag iti panagserbi iti Apo. Kayatna nga agsapul ti tunggal maysa kadakuada kadagiti wagas a pagaramidanda iti naimbag. Imbagana kadakuada a ti kapatgan ket ayatenda ti dadduma a tattao a kas iti inaramid ni Jesus. Adu a babbai iti Nauvoo ti nagkameng iti Relief Society.

Doktrina ken Katulagan 25:3, 7; Saints, 1:451

Maysa a montahe nga ilustrasion a mangiladawan no kasano a timmulong dagiti babbai iti Simbaan kadagiti tao iti intero a lubong.

Tinulonganda dagiti tao nga agsagana para kadagiti bendision ti templo ken tinulonganda ti adu a pamilia nga agkasapulan idiay Nauvoo. Manipud idin, nagkameng dagiti babbai iti intero a lubong iti Relief Society. Agtultuloyda nga agserbi kadagiti tao ken mangtulong kadakuada nga umawat kadagiti bendision iti templo.

Saints, 1:451