Siku ya Uponyaji

Kubariki wagonjwa kwa nguvu za Mungu

Mlinzi wa gereza akizungumza na Joseph Smith.

Wakati Joseph Smith na viongozi wengine wa Kanisa walipokuwa wafungwa huko Missouri, baadhi ya walinzi waliwapeleka katika gereza tofauti. Walinzi walikuwa wakarimu kwa wale wafungwa. Usiku mmoja, kiongozi wa walinzi alimwambia Joseph yeye alikuwa anaenda kulala, na kama Joseph na marafiki zake watatoroka, yeye asingewazuia.

Saints, 1:392–93

Joseph na viongozi wengine wa Kanisa walitoroka. Walikuta familia zao zikiishi katika mji ulioitwa Quincy.

Saints, 1:395–96

Watu wakitoa chakula na makazi kwa Watakatifu.

Watu waliokuwa Quincy walikuwa wakarimu kwa Watakatifu. Waliwapatia Watakatifu chakula na nguo na mahali pa kukaa.

Saints, 1:377

Watakatifu walikuwa na shukrani kwa ukarimu wa watu wa Quincy. Lakini Joseph alijua wangehitaji sehemu zao wenyewe za kuishi. Viongozi wa Kanisa walinunua ardhi ambayo hakuna mtu mwingine aliyeitaka, na Watakatifu walianza kuhamia huko.

Saints, 1:399-400

Mwanamke akimtunza mwanamke mwingine mwenye malaria.

Nchi ilikuwa karibu na mto mkubwa. Ilikuwa ardhi oevu na yenye matope na iliyoojaa mbu. Mbu waliwafanya Watakatifu wengi kuwa wagonjwa sana na ugonjwa unaoitwa malaria. Baadhi yao walikufa.

Saints, 1:402

Joseph Smith na Wilford Woodruff wakitoa baraka ya ukuhani kwa mvulana mgonjwa.

Wakati Joseph alipoona kwamba watu wengi walikuwa wagonjwa, aliwakusanya baadhi ya viongozi wa Kanisa na kuwaomba waongozane naye. Asubuhi yote, walikwenda kutoka familia moja hadi familia nyingine, wakiwatembelea watu wagonjwa na kuwabariki. Walitumia nguvu za Yesu Kristo kuwaponya magonjwa yao.

Saints, 1:402

Mtu mmoja waliyemtembelea alikuwa Elijah Fordham. Alikuwa mgonjwa sana, mkewe alifikiri angekufa hivi karibuni. Joseph alimwuliza Elijah kama alikuwa na imani ya kuponywa.

Saints, 1:402

Elijah akimwambia Joseph kwamba yeye anayo imani ya kuponywa.

Elijah alisema, “Ninaogopa nimechelewa sana.” Joseph alimuuliza Elijah kama alimwamini Yesu Kristo. “Ndiyo ninaamini, Kaka Joseph,” yeye alijibu.

Saints, 1:402

Elijah akiwa amesimama baada ya kupokea baraka ya ukuhani.

Joseph alimbariki katika jina la Yesu Kristo. Elijah alisimama. Yesu alikuwa amemponya! Elijah kisha alimfuata Joseph kwenye nyumba iliyofuata na kumsaidia kubariki watu wengine ambao walikuwa wagonjwa.

Saints, 1:402–3