Sidney na Phebe Rigdon

Parley Pratt na wengine walikuwa wanakwenda kushiriki injili na Waamerika Wenyeji. Wakiwa njiani, Parley alitaka kusimama na kumtembelea rafiki yake Sidney Rigdon. Sidney alikuwa mhubiri ambaye alikuwa amemfundisha Parley kuhusu Yesu Kristo katika Biblia. Sasa Parley alitaka kumfundisha Sidney kuhusu Yesu katika Kitabu cha Mormoni.

Mafundisho na Maagano 32; Saints, 1:99

Parley alimwambia Sidney kuhusu Kitabu cha Mormoni na kumwalika akisome. Sidney hakuwa na uhakika, lakini kwa sababu Parley alikuwa rafiki, aliahidi angefanya hivyo.

Saints, 1:100

Wakati Sidney aliposoma Kitabu cha Mormoni, alijua kilitoka kwa Mungu. Alishiriki hisia zake kwa mkewe, Phebe.

Saints, 1:101

Lakini Sidney hakuwa na uhakika wa nini cha kufanya baada ya hilo. Kama angebatizwa, angepoteza kazi yake kama mhubiri katika kanisa lake. Ni kwa jinsi gani angeweza kuwatunza Phebe na watoto wao sita? Watu katika kanisa lake wangejisikiaje? Aliomba kwa Baba wa Mbinguni kwa ajili ya msaada, na akawa na hisia ya amani.

Sainta, 1:101; Mafundisho na Maagano 19:23

Sidney alimuuliza Phebe kama alikuwa tayari kuacha maisha yao ya starehe na kujiunga na kanisa hili jipya pamoja naye. “Ni tamanio langu kufanya mapenzi ya Mungu,” alisema, “iwe katika uzima au kifo.” Waliamua kubatizwa.

Saints, 1:101

Baadaye, Sidney alikutana na Nabii Joseph Smith. Bwana alimpa Sidney ujumbe kupitia Joseph. Alisema kwamba alikuwa ameona vitu vizuri ambavyo Sidney alikuwa amefanya na kusikia sala zake. Bwana alimwambia Sidney Yeye alikuwa na kazi kubwa ya yeye kufanya. Sidney angefanya mambo makubwa.

Mafundisho na Maagano 35:3–4