O Le Aiga o Yanagida

O Toshiko ma Tokichi Yanagida sa nonofo i Iapani. Sa latou talitonu ia Iesu Keriso ma auai i Lana Ekalesia. Ae sa faigata le olaga i Iapani i lena taimi. Na faaleagaina e se taua le tele o fale o aiga ma fale. Sa mananao Toshiko ma Tokichi e fausia se fale mo lo la aiga, ae sa matuai matitiva lava i laua.

Au Paia, 3:543

Sa iloa e le au Yanagida e finagalo le Alii latou te totogia le sefuluai, ae sa latou le mautinoa pe mafai. Sa fesili atu Toshiko i se faifeautalai po o le a se mea e tatau ona latou faia. “O le sefuluai e matua faigata lava ia i matou,” o lana tala lea. Na folafola atu e le faifeautalai afai la te totogiina a la sefuluai, o le a fesoasoani le Alii ia i latou e ausia la latou sini o le mauaina o se fale.

Mataupu Faavae ma Feagaiga 119; Au Paia, 3:543–44

E le’i mautinoa e Toshiko ma Tokichi. Sa tau le lava se la tupe e faatau ai le meaai o le aoga mo le la tama. Ae sa la filifili e faalagolago i le Alii ma totogi le sefuluai.

Au Paia, 3:543–44

Na faamanuia e le Alii le aiga o Yanagida. E le’i umi ae mafai ona latou faatauina se fanua ma amata ona fausia se fale.

Au Paia, 3:544

I se tasi aso na sau ai se tagata pasi fale. Fai mai a ia, sa i ai se faafitauli i lo latou fanua, ma e le mafai ona latou fausia se fale iina. Sa ia fai atu i le aufaigaluega e taofi.

Au Paia, 3:544

Sa matua faanoanoa lava le au Yanagida. Sa la ta’u atu i faifeautalai le mea na tupu. Sa fai mai faifeautalai o le a latou anapopogi ma tatalo faatasi ma le au Yanagida.

Au Paia, 3:545

Mulimuli ane, na sau ai se isi tagata pasi fale. Fai mai a ia, e mafai ona foia le faafitauli i lo latou fanua. E mafai e le au Yanagida ona fausia lo latou fale. “Atonu na oulua faia se mea lelei,” o le tala lea a le pasi fale ia Toshiko ma Tokichi. Sa la iloaina na faamanuia le Atua ia i la’ua. Sa la fiafia ona sa la faatuatuaina o Ia ma totogi le sefuluai.

Au Paia, 3:545