E Faatatau i le Mataupu Faavae ma Feagaiga

“E Uiga i le Mataupu Faavae ma Feagaiga,” O Tala o le Mataupu Faavae ma Feagaiga (2024)

“E Faatatau i le Mataupu Faavae ma Feagaiga,” O Tala o le Mataupu Faavae ma Feagaiga

O Le Faatomuaga

2:39

E Faatatau i le Mataupu Faavae ma Feagaiga

Ua toe fetalai mai le Alii

O Iesu Keriso o loo faaali atu i tagata i le atu Amerika.

E alofa lo tatou Tama Faalelagi ia i tatou. E finagalo o Ia ia tatou osia feagaiga, poo folafolaga, ma Ia ina ia mafai ona Ia faamanuiaina i tatou. Na Ia auina mai Lona Alo, o Iesu Keriso, e avea ma o tatou Faaola ma fesoasoani ia tatou toe foi atu ia te Ia.

O se perofeta anamua o loo tusitusi i luga o se tusi tā’ai.

E auina mai foi e le Atua perofeta e aoao i tatou e uiga ia Iesu Keriso ma Ana poloaiga. E auauna atu perofeta ia Iesu Keriso ma fesoasoani e taitai Lana Ekalesia.

Ua ta’u atu e Iesu i perofeta mea e aoao mai ia i tatou. O upu a perofeta mai aso ua leva ua tusia i tusitusiga paia e pei o le Tusi Paia ma le Tusi a Mamona.

Sa mafaufau Iosefa Samita po o le fea o tu ma aga faalelotu e mulimuli i ai.

Mo le tele o tausaga talu ona i ai Iesu i le lalolagi, sa leai ni perofeta. Sa le’i osia ma tausia e tagata feagaiga ma le Atua. Sa le’i toe i ai Le Ekalesia a Iesu Keriso i le lalolagi.

Sa faaali atu le Tama Faalelagi ma Iesu Keriso ia Iosefa Samita.

Na valaauina e le Alii ia Iosefa Samita e avea ma se perofeta. O Iosefa sa na o se alii talavou, ae sa i ai se mea taua tele a le Atua mo ia e fai.

Ua sii a’e e tagata o latou lima e lagolago ai Iosefa ma Oliva o ni taitai o le Ekalesia.

Na aoao mai Iosefa Samita e uiga ia Iesu. Sa fesoasoani o ia e faatulaga le Ekalesia a Iesu. Sa aoao atu e Iesu ia Iosefa Samita Lana talalelei ma le auala e taitai ai Lana Ekalesia.

O se aiga o loo faitauina le Mataupu Faavae ma Feagaiga.

E tele mea na ta’u atu e Iesu ia Iosefa Samita ua tusia i le Mataupu Faavae ma Feagaiga. O le Mataupu Faavae ma Feagaiga o se tusi o tusitusiga paia e pei o le Tusi Paia ma le Tusi a Mamona.

O se ata o le faataitaiga o loo faaalia ai le auala na aafia ai tagata i le Mataupu Faavae ma Feagaiga.

O Tala o le Mataupu Faavae ma Feagaiga o loo tau mai ai le auala na toe aumai ai e Iesu, pe toefuatai mai, Lana Ekalesia, faatasi ai ma le fesoasoani mai le Perofeta o Iosefa Samita ma isi. O tagata o le Ekalesia ua faaigoaina o le Au Paia. O nei tala ua faaalia ai e alofa le Atua i Ana fanau i le lalolagi atoa. Ua Ia finagalo ina ia faamanuia i tatou a o tatou feagaiga ma Ia.