O Le Upu o le Poto

Sa valaaulia e Iosefa Samita ni nai alii i le Ekalesia latou te fono i le fogafale pito i luga o le faleoloa a Newel ma Ann Whitney. O iina na latou aoao ai i le talalelei ma isi mataupu, ma sa latou tatalo o se vaega. Sa latou ta’ua nei fonotaga o le Aoga a Perofeta.

Mataupu Faavae ma Feagaiga 88:117–137; Au Paia, 1:166

O le toatele o alii sa ulaula paipa ma lamuina tapaa i le taimi o lesona. O le asu na puaoa ai le ea, ma o tapaa na faaleagaina ai le fola [o le potu]. A uma fonotaga, sa alu Ema Samita i le fogafale i luga e faamama le potu. Sa matuai eleelea lava.

Au Paia, 1:167

Sa olo ma olo e Ema le fola, ae sa le’i aluese le pisipisia o tapaa. Sa talanoa atu o ia ia Iosefa e uiga i le gasu.

Au Paia, 1:167

Iosefa o loo faalogo atu ia Ema. O le faalogo atu ia te ia na mafaufau ai po o le a se lagona o le Alii e uiga i le tapaa.

Au Paia, 1:167

O lea na fesili atu ai Iosefa i le Alii e uiga i le tapaa. Sa ta’u atu e le Alii ia Iosefa e i ai sana Upu o le Poto mo le Au Paia.

Mataupu Faavae ma Feagaiga 89:1–9; Au Paia, 1:167

Na fetalai mai le Alii e le tatau i le Au Paia ona ulaula, faaaoga le tapaa, pe inu ava malosi po o “meainu vevela,” o lona uiga o le kofe ma le lauti.

Mataupu Faavae ma Feagaiga 89:1–9; Au Paia, 1:167

Na aoaoina foi e le Alii le Au Paia e faapea, o saito ma fualaau’aina mata e lelei ona ‘aai ai. Sa fetalai mai foi o Ia e mafai ona latou ‘aai i nisi taimi i aano o manufasi.

Mataupu Faavae ma Feagaiga 89:10–17; Au Paia, 1:168

Na ta’u atu e le Alii ia Iosefa o le Au Paia o e filifili e usitai i Lana Upu o le Poto o le a puipuia. Na folafola mai e le Alii e faamanuia i latou i le soifua maloloina, poto, ma le malosi. Sa ta’u atu e Iosefa i alii i le Aoga a Perofeta e uiga i le Upu o le Poto a le Alii.

Mataupu Faavae ma Feagaiga 89:18–21; Au Paia, 1:168

Sa tauai e alii sa i totonu o le potu a latou tapaa ma a latou paipa i le afi e faaali atu ai sa latou mananao e usitai i le Upu o le Poto a le Alii.

Au Paia, 1:168