Miti a Desideria

Ta’ita’iina e le Alii i Mekisiko

Sa nofo Desideria Yáñez i Nopala, Mekisiko. I se tasi po, sa miti ai Desideria e uiga i se tamai tusi na faia i le Aai o Mekisiko. Sa ta’ua o le Voz de amonestación, po o le Leo o le Lapataiga. Ina ua ala a’e Desideria, sa ia iloa e tatau ona ia sailia lena tusi.

Au Paia, 2:477

O Desideria o loo tauina atu i lana tama tama lana miti.

Ae sa mamao ese le Aai o Mekisiko, ma ua matua tele Desideria e faia se malaga umi. Sa ia lagonaina na finagalo le Alii ia te ia e su’e lena tusi. Ona ia ta’u atu lea i lona atalii o José e uiga i le miti. Sa ia talitonu foi e taua le tusi. Sa ia fai atu i lona tina o le a ia sailia mo ia.

Au Paia, 2:478

O José o loo taunuu atu i le Aai o Mekisiko.

Ina ua taunuu José i le Aai o Mekisiko, sa pisi auala, pisapisao ma tumu i tagata. E mafai faapefea ona ia maua le tusi i se nofoaga tumutumu faapena?

Au Paia, 2:478

Ina ua mavae ni nai aso, na feiloai ai José i se faifeautalai e igoa ia James Stewart. Sa fai mai James o loo ia galue i le lolomiina o se tusi e ta’ua o le Voz de amonestación.

Au Paia, 2:478

O James o loo talanoa e uiga i le Tusi a Mamona.

Sa matuā fiafia lava José! Sa ia ta’u atu ia James e uiga i le miti a lona tina. Sa faamalamalama mai e James o le a faaaoga e faifeautalai le Voz de amonestación e a’oa’o ai tagata e uiga ia Iesu Keriso ma se tusi fou o tusitusiga paia, o le Tusi a Mamona.

Au Paia, 2:478

Sa tuuina atu e James ni tusi ia José e fesoasoani ai ia te ia e a’oa’o e uiga i le talalelei.

E le’i mae’a leVoz de amonestación, ma e le’i faaliliuina le Tusi a Mamona i le gagana Sipaniolo. Ae sa tuuina atu e James ia José isi tusi ma pepa e fesoasoani ai ia i laua ma lona tina e a’oa’o e uiga ia Iesu Keriso, le Tusi a Mamona, ma le Ekalesia toefuataiina.

Mataupu Faavae ma Feagaiga 90:11; Au Paia, 2:478–79

O José ma lona tina o loo a’oa’o faatasi e uiga i le talalelei.

Sa faanatinati atu José i le fale i lona tina. Sa la suesue faatasi i le talalelei, ma sa la iloaina e moni. Sa talosaga atu Desideria i faifeautalai e o mai e papatiso o ia.

Au Paia, 2:479

O Desideria, José, ma le afafine o José o Carmen o loo papatisoina.

O Desideria o se tasi o uluai tamaitai na papatisoina i Mekisiko. Na papatisoina fo’i José ma lona afafine.

Au Paia, 2:479

O Desideria o loo mauaina se kopi o le Tusi a Mamona.

Ina ua uma le Voz de amonestación, sa maua e José ni kopi se 10 mo lona tina e faasoa atu i isi i le gagana Nopala. I tausaga mulimuli ane, ina ua iu ina lolomiina le Tusi a Mamona i le gagana Sipaniolo, o Desideria o le tagata muamua lea i Mekisiko na mauaina se kopi. Sa ia iloaina sa taialaina o ia e le Alii i Lana Ekalesia toefuataiina.

Mataupu Faavae ma Feagaiga 88:811; Au Paia, 2:479