Faafitauli i Misuri

Faatumauga o le malosi o le faatuatua i taimi matautia

Sa le fiafia nisi o tagata i Initipene i le taunuu atu o le Au Paia.

E toatele le Au Paia na o mai e nonofo i Initipene, Misuri. Sa finagalo le Alii ia latou fausia le aai o Siona iina. Peitai sa le’i fegalegaleai le Au Paia ma tagata sa nonofo i Initipene. E tele mea sa latou feeseesea’i ai. Sa feita nisi o tagata o le nuu ma sa mananao ia o ese le Au Paia.

Mataupu Faavae ma Feagaiga 57:1–3; Au Paia, 1:171--74

O taitai i Initipene na feiloai ma Eteuati Paterika.

O Eteuati Paterika sa epikopo i Initipene. Sa sau o ia i se fonotaga ma taitai o le nuu. Sa latou fai mai e tatau ona tuua e le Au Paia ia Initipene. Sa iloa e Epikopo Paterika sa finagalo le Atua e fausia e le Au Paia ia Siona i Initipene. Sa fai atu o ia e le mafai ona o ese le Au Paia.

Au Paia, 1:176

O alii feita o loo talepeina i lalo fale [o aiga] ma fale.

Sa amata ona talepe i lalo e alii feita ia fale [o aiga] ma fale na fausia e le Au Paia.

Au Paia, 1:177–78, 182

Tamaloloa o loo uumauina Eteuati Paterika ma Charles Allen.

Sa aveesea mai e nei tamaloloa ia Epikopo Paterika ma se isi alii e igoa ia Charles Allen mai o la’ua fale. Sa latou tosoina nei alii e toalua i le ogatotonu o le nuu.

Au Paia, 1:179

O Eteuati ma Charles o loo ufitia i le ta ma fulumanu.

Na saunoa Epikopo Paterika, “Afai e tatau ona ou mafatia mo la’u tapuaiga, e le sili atu nai lo le mea na faia e isi na muamua atu ia te a’u.” Sa tulei e tamaloloa ia Epikopo Paterika ma Charles i le eleele. Sa latou tuu le ta vevela ma fulumanu i o la’ua tino atoa.

Au Paia, 1:179–80

O Viliamu McLellin o loo lafi i le togavao.

Sa faalogo Viliamu McLellin, o se tagata o le Ekalesia i Initipene, e uiga i mea sa faia e tagata feita. Sa fefe o ia ma tamo’e atu i le togavao e lafi.

Au Paia, 1:182

Sa mafaufau Viliamu po o le a se mea o le a ia faia pe a maua o ia.

Sa mafaufau Viliamu po o le a le mea o le a tupu pe afai e maua o ia e tagata feita. Pe o le a ia faapea atu pea e moni le Tusi a Mamona, e tusa lava pe latou te taumafai e fasioti o ia ona o lena mea?

Au Paia, 1:182–83

Ua maua e Oliva Kaotui ma Tavita Uitimera ia Viliamu.

Sa maua Viliamu e ana uo o Oliva Kaotui ma Tavita Uitimera i le togavao. Sa iloa e Viliamu e talitonu Oliva ma Tavita i le Tusi a Mamona. Sa faaali atu e se agelu ia i la’ua ia papatusi auro. “Ta’u mai ia te a’u,” sa ia fai atu ai ia i la’ua, “pe moni lena Tusi a Mamona?”

Au Paia, 1:183

Oliva ma Tavita o loo faasoa atu a la’ua molimau ia Viliamu.

Sa ta’u atu e Oliva ma Tavita ia Viliamu e moni le Tusi a Mamona. Sa la fai atu e tusa lava pe taumafai tagata feita e fasioti i la’ua, o le a le taofia lava le faasoaina atu o a la’ua molimau i tagata. “Ou te talitonu ia te oulua,” o le tala lea a Viliamu.

Mataupu Faavae ma Feagaiga 17:3–6; Au Paia, 1:183