“O Se Misiona i Tagatanuu o Amerika,” Tala o le Mataupu Faavae ma Feagaiga (2024)
“O Se Misiona i Tagatanuu o Amerika,” Tala o le Mataupu Faavae ma Feagaiga
Oketopa 1830–Ianuari 1831
O Se Misiona i Tagatanuu o Amerika
Ua faalogo tagata Initia Telauea i le talalelei
E lei leva ona papatisoina Pale Palate, ae valaauina o ia e le Alii e faatasi ma Oliva Kaotui ma isi i se misiona. Sa finagalo o Ia ia latou talai atu le talalelei i Tagatanuu o Amerika. Sa malaga faifeautalai mo le tele o vaiaso i le loloto o le kiona. Mulimuli ane, na la feiloai ai ia Kikthawenund, le taitai sili o Tagata Initia i Telaua.
Mataupu Faavae ma Feagaiga 28:14; 30:5–6; 32; Au Paia, 1:98, 115
Sa faauo le taitai sili i faifeautalai. Sa ia valaaulia ana uo e faalogo i la latou savali. Fai mai Oliva sa la malaga mamao atu ma Pale e tuuina atu ia i latou le Tusi a Mamona. O le tusi sa faamatala mai ai tagata sa nonofo i Amerika i aso ua leva. Sa finagalo le Atua ia latou faasoa atu le tusi ina ia mafai ona iloa e tagata uma e uiga ia Iesu Keriso.
Au Paia, 1:115–16
Sa tuuina atu e Oliva ia Kikthawenund se kopi o le Tusi a Mamona. Sa faafetai o ia ona ua oo mai Oliva ma ana uo i le mamao e faasoa atu le tusi i ona tagata. Sa ia ta’u atu ia Oliva ma Pale e manao ia la toe foi mai e faitau atu ia i latou ma aoao atili i latou e uiga i le Tusi a Mamona.
Au Paia, 1:116–17