Lusi Morley ma Lona Aiga

I se tasi aso, sa fesoasoani ai Lusi Morley e 15 tausaga i lona tuaoi, o Apikaila Daniels, e lalagaina se ie. A o la galulue, sa la faalogoina se tuitui mai o le faitotoa. O ni faifeautalai e toatolu. Na valaaulia i latou e Apiakaila i totonu o le fale. Sa latou fai mai na auina atu i latou e Iesu Keriso e faasoa atu se savali.

Au Paia, 1:102–3

Sa ta’u atu e nei alii ia Apikaila ma Lusi na valaauina e Iesu ia Iosefa Samita e avea ma perofeta. Sa latou ta’u atu foi ia i latou e uiga i le Tusi a Mamona.

Au Paia, 1:103

Na faate’ia Lusi i le to’atama’i o Apikaila. Sa ia faatonuina faifeautalai e o ese mai lona fale.

Au Paia, 1:103

Sa iloa e Lusi o nei faifeautalai o ni auauna a le Atua. Sa ia fai atu ia i latou e asiasi i lona aiga i lalo atu o le auala. “O lo’u tamā e nofo i le tasi le maila mai iinei,” o lana tala lea. “O atu i ai iina ma o le a fafagaina ma tausia outou.”

Au Paia, 1:103–4

Na sa’o lava Lusi. Sa faia se taumafataga lelei a faifeautalai i le faatoaga a le aiga o Morley. O matua o Lusi o ni uo a Sini Rikitone. Sa latou talitonu na finagalo Iesu ia latou faasoa atu mea uma sa latou maua i isi. Sa latou valaaulia faifeautalai e aoao i latou ma a latou uo.

Au Paia, 1:104

I lena po, pe tusa o le vaeluaga o le po, na papatisoina ai tagata e 17. I nai aso na sosoo ai, e 50 isi tagata na o mai i le faatoaga a Morley e faalogologo i faifeautalai, ma sa latou talosagaina ina ia papatisoina. E oo lava i le uo a Lusi o Apikaila Daniels na suia lona mafaufau e uiga i faifeautalai. Sa filifili i laua ma lona toalua e auai i le Ekalesia.

Au Paia, 1:105; Mataupu Faavae ma Feagaiga 20:25, 37