Autaunonofo

A o suesue le Perofeta o Iosefa i le Tusi Paia, sa ia faitau e uiga i perofeta e pei o Aperaamo ma Mose o e na faaipoipo i ava e sili atu ma le toatasi. Sa tele nauā fesili sa i ai a Iosefa. O lea na ia filifili ai e tatalo ma ole atu i le Alii.

Mataupu Faavae ma Feagaiga 124:25; Au Paia, 1:121, 503

Na fetalai mai le Alii e masani lava e tatau i se alii ona na o le tasi le avā. Ae o nisi taimi na poloaiina ai e le Alii se alii ina ia faaipoipo atu i avā e sili atu ma le to’atasi. Sa ta’ua lenei mea o faaipoipoga faaa’utaunonofo. Na ta’u atu e le Alii ia Iosefa e faapea o Lona nuu e pau lava le vaega e auai ai i faaipoipoga faa’autaunonofo pe afai Na te poloaiina.

Iakopo 2:27–30; Mataupu Faavae ma Feagaiga 132:34–39; Au Paia, 1:121, 290–91, 489–90, 503

I tausaga mulimuli ane, na ta’u atu ai e le Alii ia Iosefa ma nisi o le Au Paia ina ia i ai i faaipoipoga faa’autaunonofo. Sa le faigofie ona ola i lenei poloaiga.

Au Paia, 1:290–91, 444–46

Na faia e le malo ni tulafono e faasagatau ai i faaipoipoga faa’autaunonofo. O nisi o le Au Paia, e aofia ai taitai o le Ekalesia, na tuuina i le falepuipui.

Au Paia, 2:501–4

I le 1890, na ta’u mai ai e le Alii ia Uilifoti Uitilafi, le Peresitene o le Ekalesia, e le tatau i alii ona toe faaipoipo atu i le sili atu ma le tasi le avā. Sa faasoa atu e taitai o le Ekalesia lenei poloaiga i le Au Paia. O loo avea pea lenei ma poloaiga a le Alii i aso nei—e tatau i se alii ona faaipoipo i se ava e toatasi.

Tautinoga Aloaia 1; Au Paia, 2:598–601, 607–9