Ua Malaga Sieni Manning i Navu

Sa nonofo Sieni Manning ma lona aiga i se nofoaga sa le fiafia ai nisi tagata ia i latou ma sa le lelei le taulimaina o i latou ona o le lanu o o latou pau. I se tasi aso, na faalogo ai Sieni i se aoaoga a se faifeautalai. Sa ia iloaina e moni lana savali. O le Aso Sa lava na sosoo ai, na papatisoina ai o ia.

Au Paia, 1:500–501

Sa auai foi le aiga o Sieni i le Ekalesia. Sa finagalo le Alii ia faapotopoto faatasi le Au Paia i Navu. Na alofa Sieni i le Alii. Sa mananao o ia ma lona aiga e faatasi ma isi Au Paia. O lea na amata ai la latou malaga i Navu.

Mataupu Faavae ma Feagaiga 124:25; Au Paia, 1:501

O se vaega o la latou malaga, sa latou malaga ai i le vaa. O le toatele o tagata sa i luga o le vaa e mafai ona totogi malaga pe a taunuu. Ae na ta’u atu e nisi alii i le aiga o Sieni e tatau ona totogi muamua le latou malaga. Sa le’i lava sa latou tupe na i ai. Sa faamalosia i latou e alii e o ese mai le vaa, ma alu ese [le vaa] e aunoa ma i latou.

Au Paia, 1:501

Sa tatau lava ona malaga le aiga o Sieni i le 800 maila, po o le 1,300 kilomita. Sa latou sopoia se vaitafe loloto e aunoa ma se alalaupapa. Sa latou momoe i fafo. Sa masani ona matua malulu lava le tau. Ae sa naunau lava le aiga o Sieni ia taunuu i Navu. Sa latou faafiafiaina i latou lava e ala i le pepese a o latou savavali.

Au Paia, 1:501, 505–6

Sa savavali pea lava pea Sieni ma lona aiga seia oo ina masaesae o latou seevae ma lavevea o latou vae. Ae ina ua latou tatalo i le Atua mo se fesoasoani, sa Ia faamaloloina o latou vae.

Au Paia, 1:505

Sa latou fesoasoani i tagata sa latou feiloai i ai i la latou malaga. Na latou fesoasoani foi e faamālōlō se tamaitiiti ma’i ona o lo latou faatuatua.

Au Paia, 1:505–6

Mulimuli ane, na taunuu ai Sieni ma lona aiga i Navu! Sa vaivai i latou ma manaomia se mea e nonofo ai. O lea na latou o ai i le fale o Ema ma Iosefa. Ina ua faalogo Iosefa i mea uma na latou oo i ai, sa ia fai atu ia Sieni, “Faamanuia le Atua ia te outou. Ua outou i ai nei faatasi ma ni uo.” Sa valaaulia e Iosefa ma Ema ia Sieni latou te nonofo faatasi.

Au Paia, 1:506