A “Terbengel” er a Ghana

A Alice Johnson a mle misionarii el mesiou el ngara belual ra, Ghana. Ng mle betik er a rengul el louchais er a klaumerang er ngii ra Jesus Kristo e olengeseu er a Ikelesia el mukeroul.

Re Santo , 4:416–17

A tara sils, ea Alice a rirenges a diak el lungil chais. A kaberment ra Ghana a milekoi el kmo ngmo diak a ongdibel er a Ikelesia. A re misionariis a dikeal sebecherir el lolsisechakl.

Re Santo , 4:417

A re bulis a uleltobed er a re misionriis er a keblirir e ngilai a rrat er tir. A re bebil ra rechedal a Ikelesia a mlo mekelbus. A re soldau a ilseches a blai er a Ikelesia e diak el kengei ra ngidil chad el soiseb. A rechad a ulemekedong er tiang el kmong “sel terbengel.”

Re Santo , 4:417–18

A re misionariis a kirir mo remei. A Alice a mirael elmo kiei lobengkel a sechelil ra tara basio. Ng mle bekikl elmo diak el sebechel rokir a mision er ngii.

Re Santo , 4:418

A re Santo el ngara Ghana a raurengrir, mekngit a rengrir, e medakt. Te melbedebek el kmo ngerang te mla tomelii el mekngit. Ng locha mo sebecherir el lmuut el mora ikelesia?

Re Santo , 4:418

Maltang eng diak el sebechir el mechudel e ra ikelesia, a re Santo a direke betik a rengrir ra Rubak e sorir el menguul er Ngii. Te ou sakrament miting e ra keblirir. A rechedal a telungalk el loba priesthood a ulemekngeltengat e ra blauang ma ralm e merous er ngii el mora rechedal a telungalk.

Doctrine me a Covenants 6:32 ; Re Santo , 4:419

Buil me a buil, ea terbengel a melmolm. A re Santo a mengitakl a elitakl e kausisechakl ra ebangkelio ra keblirir. Te kaiuedingel ra delongelir el kaingeseu el melisiich a klaumerang er tir. Te imakl a bol harau el longeltacher sel bol sebecherir el lmuut el mora ikelesia Te meluluuch e olsengerengel mesel terbengel bol merek.

Re Santo , 4:436–37

E kiul, luriul ra teruich ma eai el buil, ea kaberment a ulemes el kmo a Ikelesia a sebechel el lmuut elmo ou miting. A beches el mision president a ulengit me longedecheduch ra Alice, er chelechal taem eng ngalk ra skuul ra daingak. “Ng soam el lmuut el mei e mo mesiou ra mision ra uriul ra skuul?” ngoker. “Ngdiak,” ng melekoi. “Ng soak elmo mesiou er chelechang!”

Re Santo , 4:437–39

A Alice ma re bebil ra re Santo e kmal lungil a rengrir el sebecherir el lmuut el mora ikelesia! Sel mle kot el Sandei ra uriul ra terbengel, a sakrament meeting a mlo erul sikang leng kmal mle betok el chad a mle sorir elmo melekoi a klaumerang er tir. Te kauchais el milkerang a Rubak a lomekngeltengat er tir e ulengeseu er tir el mengeluoleu me dil mesisiich a klaumerang er tir.

Doctrine me a Covenants 20:75 ; Re Santo , 4:438