A Joseph me a Hyrum a Chemoit a Klengar er Tir el kirel a Ebangkelio

A Joseph Smith a uluuedikel a rengul. Ngera mo dubech el mora Ikelesia a lsekum eng mad? Ng mle soal loterkeklii me a urerel a Rubak a mo melemolem. Meng ngiltiterir a re Apostol e milsterir a kiis er a priesthood el Jesus Kristo a ngilai el msang. Tia belkul a kmo a re Apostol a sebecherir lomekrael er a Ikelesia er a Rubak e meruul a Urerel. Tia ngilsouir a Joseph el mo klou a rengul.

Santo, 1:519–20

Engdi te ulis el betok el chad a mle kesib a rengrir er a Joseph. A rebebil a mle sorir lomekouad er ngii. Te dimlak el sorir a ikel lolisechakl. Te milluches er a simbung el meruul er a rebetok el chad mebol kesib a rengrir er a Joseph me a Ikelesia. A rebebil er tir a mle sorir el mo oldechelakl er a Nauvoo.

Santo, 1:526–28, 530–32, 533–34

A Joseph me a rebebil er a roungerachel er a Nauvoo a tilemelii a mesil meluches a babier el mo merrob er a tial ouketui er tir melak loberk. Tiang a rirelterir a rechad el mengai el mo kesib a rengrir. A merredel er a beluu a dilu er a Joseph me lorael el mora Carthage me a merredel er a kerrekeriil bo lorritel el kmo ngii kelel blal temelii a llach. A Joseph a mle medengei el kmo a lsekum eng mora Carthage, ea rechad a mo mekodir.

Doctrine and Covenants 135:4; Santo, 1:533–37, 539–41

Engdi a Joseph a mle soal a re Santo bol selbechakl. A lsekum eng mora Carthage, ea rechad a locha mo mechititerir a re Santo el ngara Navoo. A Joseph a tilbir el mo merael. Ngulmekngeltengat er a Emma me a rengelekel, millungel a mederir e melmesumech, e milrael el mora Carthage.

Santo, 1:542–44

A obekul a Joseph er a Hyrum a milrael lobengkel. Dirrek a John Taylor, Willard Richards, me a bebil er a resechelil. Sera lorael, ea Joseph a mle stob er a uos e ulemes rullel el mora Nauvoo. “Tia sel kot el klebokel basio e kot lungil a rechad er ngii er a eungel a babeluades,” ng millekoi.

Santo, 1:543–45

Sera le bochang er a Carthage, e te milengai el mo kelebus. Me sera le ngara kelebus, ea Hyrum a milenguiu el mortir er a Babier er a Mormon. A Joseph a dilu er a re mengkar el kmo a Babier er a Mormon a klemerang.

Santo, 1:546

Tia silumech a rengrir a resechelil, a John Taylor a milengitakl el kirel a Jesus. Ng meral mle klebokel, me a Hyrum a ulengit er ngii mel luut el choiteklii.

Santo, 1:549

Uriul er tial sils, ea rekesib a rengrir el chad lolab a bois a ulerreched el soiseb er a kelebus. Te uleldubech er a chesimer e mocha omuchel lomoes er a chelsel tial delmerab el ngarngii a Joseph me a resechelil. A John Taylor a kmal mlo meringel el metemall. A Hyrum me a Joseph a mlad.

Doctrine and Covenants 135:1–2; Santo, 1:550–52

A re Santo a meral mlo oumekikngit el reng er a bolodengei el kmo a Joseph me a Hyrum a mla mad. Engdi te mle medengei el kmo a lokodir a Profet a diak a tang mel terbengii a Ikelesia. Tiang a Ikelesia er a Osobel, e Ngii a melemolem lomekrael er ngii. A Ikelesia a merael meleketek e omekngeltengat er a rengelekel a Dios er a beluulechad el rokir.

Santo, 1:553–59