A Kirtland Templo a Moterekokl

Uriul er a chelsel a bekord el edei el rak er a meringel ureor, ea Kirtland Templo a mocha merek a okedecherul. A Profet Joseph a mle siotai er a re Santo el me er a tokubets el ongdibel el mo olterekokl er a templo. Ng mo melekeoi er a tokubets el ngluguuch e odersii a templo el mo er a Rubak. Ng mo chedaol blil a Rubak.

Saints, 1:235

Ng kmal di mle tutau er tial sils er a ongdibel, e a re derdart el Santo a ketitech el mo soiseb er a chelsel a templo. Me sera bolak a chaiter el kingall, ea rechad a dechor er a medal a tuangel me a ngarikl, el di ngara mado e omes. A rokui el chad a mle semeriar el mo omes er tial templo el mo moterekokl.

Saints, 1:235–36

Joseph a milnguiu er a nglunguuch el lolterekokl er a templo. Nguluchais er a Rubak el kmo a re Santo a mle oltirakl er Ngii. Ng ulengit er a Rubak mel kengei el nguu tial templo el mo Blil.

Doctrine and Covenants 109:1–5

A Joseph a miluluuch el kmo a rokui el chad el mle er a templo bol sebechir lomelchesiu er a klisichel a Rubak e bo lodengei el kmo tiang a Blil.

Mesa Doctrine and Covenants 109:13

A Joseph a dirrek el miluluuch el kmo a re Santo sel rebet er a klengit, el dil mereched el mo ouchel a rengrir. Ng ulengit er a Rubak me bol besterir a klisiich el mo omerk er a ebangkelio er Ngii el meliuekl er a beluulechad. Uriul er a nglunguuch, ea rechad er a chelitakl a milngitakl er a beches el chelitakl el lomekedong er ngii el “The Spirit of God.” A rechad a mlo mui er a deurreng. Te mlo dechor e oldanges er a Rubak.

Doctrine and Covenants 109:21–32; Chelitakl, no. 2; Saints, 1:237

Te betok el chad a milsterir a reanghel el ngara chelsel a templo er sel sils. Te milsa medidiich el llomes el mlara babeluades el merael meriou el mei er a templo. A bebil er a rechad a dilu el kmo ng kora ua teletelel a iabed; a rebebil a dilu el kmo ng ua teletelel a ngau. Te rokui el mlo melchesuar el kmo a templo a chedaol basio. Ng meral blil a Rubak.

Saints, 1:237