Telungalek er a Jackson

Nguriul ersel kot el delbechelir a re Santo el mlora Salt Lake Valley, ea re telael ra re bebil ra re Santo me te dirrek el mlong. Te mirael er a kemangt el lomerael, ea Rubak a ulengeseu er tir. A tara telungalk el mla rengii el lomerael a telungalk er a Jackson. Te mlo imikl a delengcheklir ra England e mle semeriar elmo olengeseu ra re Santo el lomekdubech er a Zion.

Doctrine me a Covenants 136:1–11; Re Santo , 2:222–23

A re Jackson a melobech er a ngeuaol el ngara dial. E tokor e ngara ksai el telkib er a omerael el mora Salt Lake Valley. E te mocha di merael lolab ocherir el merekui ra omerael.

Re Santo , 2:222–23

Te riruul a mekekerei el kareta el lolengakt a kelir, bilir, ma bebil ra klaleu el sorir el lolab. Te betok el Santo a mlo ungil omrolir el mora beluu lokiu er tial teletael.

Santo , 2:223–26

Elizabeth ma Aaron Jackson a mengurs a ikal loberaod el kareta er tir. A rengelekir, ra Martha, Mary, ma Aaron Jr., a di merael. Ng mle meringel lureor. Te mle sorir el morsel beluu ruchei ra bol winter. Ngdi a fall a mermang, e direke kemangt a omerael. Ng mocha muchel el mekelkolt, e tir a dikeang a kelir.

Re Santo , 2:223–26 , 229 , 231–32

Ngara Salt Lake City, ea Brigham Young a mlo medengei el kirir tirkel Santo el merael el morsel beluu. Ng mlo bekikl el kirir. A bol kukuk ra le ngara ikelesia, eng milekoi ra re bekl el chad el kmo tirkal Santo a cheuarem. Ngulengit er tir mel bekeik a kareta ra klaleu el tirkel Santo a mousbech. “Morael e mngiteterir tirkel chad el mei,” ng melekoi.

Re Santo , 2:229–30

A redil a mlara miting a ngilubet a mekeald el saks er tir e lochang e ra kareta. A re bebil a uleldars a kall, blanket, oeacher, ma bail. Erul klebesei ruriul, e te betok e ra okeim el sechal ma luich el kareta a tilobed ra beluu el molengeseu.

Re Santo , 2:230

Me tial telungalk e ra Jackson el bocha lorael, ea snow a mocha omuchel el mereberebt. A Aaron a kmal mlo smecher. Ng mlo meringel er ngii el merael. A re Santo a kirir mo imuul er tial mekelkolt el lomeuachel, e tiang a rirelii a Aaron el mengai elmo mechitechut. Sel kesus ea Aaron a mlad. Ng klengit el reng, le telungalk er ngii a kirir melmolm ra omerael e diak el lobang,

Re Santo , 2:232–34

A bol tutau, eng le muut el betok el snow a ngara chutem. A re ua Jackson me a re bebil ra re Santo a oldubech e mengurs a kareta er tir lokiu ra snow. Te meluluuch ra bekl el sils el kmo a Dios bol ngosuterir.

Doctrine me a Covenants 136:29 ; Re Santo , 2:234–35

A tara kesus, ea Elizabeth a mlo bekikl el kirel a rengelekel. Te mle songerengel e mekerasem. Locha mo sebecherir el mora Salt Lake Valley? Ngiliit a medal e omerous e lekong milsang a Aaron. Ng melekoi, “Bol lungil a rengum, e Elizabeth.” Ng dilu er ngii el kmo a ngeseu a ngara omrolel el merael mei.

Santo , 2:235–36

A Aaron a milekoi a meral tekoi. Diak el meketeket, ea re sechal el mlara Salt Lake a mermang el ngara kareta er tir. Te ulemesterir a re Santo a kall ma bail. A re Santo a uleldiu e ocherchur e mengisemesem er tirkel chad. Te milngitakl a elitakl e oureng a sulel a Demad ra Babeluades el lulenger a nglunguchir.

Doctrine me a Covenants 136:28 ; Re Santo , 2:236

Ma le bocha ra beluu, eng mle Sandei. A Brigham Young a milekoi ra re chedal a Ikelesia ra Salt Lake City el kmo bo becherei a mora ikelesia, e bai bo loutkeu er tirkel Santo el mermang. Me te uletkeu er tirkal mekerasem e mesaol el Santo e mle siotai er tir elmo kiei ra keblirir.

Re Santo , 2:239–40