Mo Ikrii a Nauvoo e Merael mora West

Joseph Smith a mla mad. Chelechang a Brigham Young me a re bebil ra re Apostol a mengetakl ra Ikelesia. Brigham a medengei el kmo a re Santo a dikeal selbechakl a le ngara Nauvoo. Ng mlamo kirir el merael. Ngdi kot, a Rubak a soal a rekir el lomekedechor er a templo. Ngii a soal a bol ketmokl a telbelir lobengkel el merenged el longalk.

Re Santo , 1:571, 579–80

Nguriul ra kesai el buil, ea templo a mla meketmokl el kirir a rechad elmo meruul a telbilir ra elsel. Te telael el Santo a mlei el mora templo. Brigham a kiliei ra elsel a templo elmo osoi el lolengeseu er tir el kutmokl a telbilir lobengkel a Rubak. Mal merekong, ea Brigham a melekoi ra re bekl el chad el kirir el tuobed ra Nauvoo.

Re Santo , 1:582

Sera le bekiis a Brigham ra bol tutau, e te betok el Santo a mengiil el ngara templo. A Brigham a dilu er tir el kmo ngdiak el selbechakl a le ngara Nauvoo. Ng kirir sikii a beches a delengchokl e ra West. Ng yaksok el kmo te sebecherir el mekdebechii a beches el templo sel le bong.

Re Santo , 1:582–83 ; 2:13–14

Ngdi a re Santo a dimlak el lorael. Te mle sorir el kutmokl a telbelir lobengkel a Rubak e ra uchei ra lomuchel e ra omrolir el mora beches el delengcheklir.

re Santo , 1:583

A Brigham a miles a mederir e ngildechii a uldesuel. Ng mle tal sils el bol kukuk el lolengeseu ra re Santo el kutmokl a telbilir ra elsel a templo.

Re Santo , 1:583

Chelechang el re Santo a mla kutmokl a telbilir lobengkel a Rubak, eng mlamo taem el tobed e ra Nauvoo. A Brigham a mle medengei el Rubak a ngarngii a basio el keltmokl el kirir. Ng milsang e ra ues. Te mla mechelii a omrolir. A yolt a mekelkolt, ea chutem a ngelngelotel. A rechad a mlo smecher. Te mocha muchel el diak a kelir.

Re Santo , 2:16–18 , 20–21

A re Santo a kmal kemanget a omerael el le bo rengii. A Brigham a omtetab ra uldesuel el mekerang a bol sebecherir el rokir tial kemanget e meringel lomerael. Ng miluluuch el mora Dios el kirel a ulengesuir.

Re Santo , 2:46

A Rubak a msang a Brigham a ocholt. Ngii a osisecheklii a Brigham el mekerang a lomekrael ra re Santo. Ngii a melekoi el kirir el kaingeseu el lolengeseu e ra ngesool.

Doctrine me a Covenants 136:1–8

A Rubak a dilung el tirkal Santo a kirir medengei a ikel telbilir el kiltmokl el Lobengkel. Alsekum me te kiltmokl, Ngii a mo omekngeltengat er tir e ngosuterir e ra omrolir.

Doctrine me a Covenants 136:4, 11, 42 ; Re Santo , 2:47

Sel lomerael a kmal meringel. A bebil ra rechad a mlad. Ngdi ngikel telbilir ra templo, a re Santo a mle medengei el tir a lmuut elmo mesterir a telungalk er tir.

Kesai el buil ruriul, e tirkel kot el Santo a mlora Salt Lake Valley ra 1847. A Brigham Young sera lesang sel beluu, ng dilul kmo, “Tiakid a ungil basio.” Ngosisiu el basio el lilsang ersel ues. Tiakid sel le ngarngii a re Santo e te selbechakl. Tiakid e temo mesiou e ra Rubak e meruul a ikel lurelel el ngara budech.

Re Santos , 2:17 , 64–67

A ikal mlamo merek el rak, e te betok ra betok el Santo a mermang. Te mla mekedechor a betok el templo mel sebecherir a rechad el kutmokl a telbilir lobengkel a Rubak. Toldurokl ra re misionariis el mora beluulechad el rokir el molisechakl e ra ebangkelio ra Jesus Kristo. A Ikelesia ra Osobel a melmolm el merael elmo klou el lomekngeltengat ra re ngelekel a Demad ra Babeluades el meliuekl.