Lucy Morley

A tara klebesei ea 15 a rekil el Lucy Morley a ullengeseu er a tonari er ngii, er a, Abigail Daniels, el mengaus a mamed. Sera loureor, e te rirngesii a melengod er a chesimer. Te mle tedei el missionari. A Abigail e ulengit er tir el me tmuu. Te dilu el kmo a Jesus Kristo a uldurekleterir el mo er tir el mo ouchais er a klumech.

Santo, 1:102–3

Tirka el chad a dilu er a Abigail me a Lucy el kmo a Jesus a milkedongii a Joseph Smith el mo profet. Te dirrek el uluchais er tir el kirel a Babier er a Mormon.

Santo, 1:103

A Lucy a mo ngodech a rengul, le Abegail a mlo kesib a rengul. Ng rirelterir a re misionari el me tuobed er a blil.

Santo, 1:103

A Lucy a mlemedengei el kmo tirka el misionari a mle mesiungel a Dios. Ng dilu er tir elmo oldingel er a rechad ra blil el di kmeed. “A demak a kiei el di tal mael a cherridel er tiang,” ng millekoi. “Bong le te mo meskemiu a keliu e omekerreu er kemiu.”

Santo, 1:103–4

A Lucy a millekoi a meral tekoi. A remisionari a mle ungil a belsilir er a blirir a Morley. A demal me a delal a Lucy a mle sechelil a Sidney Rigdon. Te mle oumerang el kmo a Jesus a mle soal tir a lorous a rokui el lolab el mora rebebil. Te mle olengit er a re misionari el mo olisechakl er tir me a resechelirir.

Santo, 1:104

Seikid el kesus, el kmeed el ngara sueleb ra klebesei, e a re teruich me a teuid el chad a miltecholb. Chelsel a kesai el klebesei, ea okeim el chad a mlei ra blil a Morley el mo orrenges er a remisionari, e ulengit el mo metecholb. A sechelil a Lucy er a Abigail Daniel a dirrek el ngildechii a uldesuel el kirel a re misionari. Ngii me a bechil a tilbir el mo chedal a Ikelesia.

Santo, 1:105; Doctrine me a Covenants 20:25, 37