A re Santo a mlo medengei el kirel a Techolb el kirir a re mla Mad.

Jane Neyman a kiliei er a Nauvoo. Ng mlora kemeldiil el Joseph Smith a milngedecheduch. Tial kemeldiil a rirelii a Jane el momdasu el kirel a ngelekel er a Cyrus. Ngka mlad e dimlak el metecholb. A Jane a mle bekikl el kirel a Cyrus. Ng mle medengei el kmo ng kired el mo metecholb el mo kiei lobengkel a Chedam er a Babeluades.

Santo, 1:421

A Joseph a mle medengei a lomelchesiu ngkal dil. Ngii a dirrek el ulemdasu a osisiu el tekoi el kirel a obekul er a Alvin, el ngii a dirrek el mlad e dimlak el metecholb.

Santo, 1:421

Ngara kemeldiil, ea Joseph a uluchais er a tekoi el Dios a ulsisechakl el mo er ngii. Ng dilu el kmo sel sekum a chad a mlad e dirkak el metecholb, e kid a sebeched el mo metecholb el kirir.

Santo, 1:421

A Jane a kmal mlo ungil a rengul er a le rengesii tial tekoi! Di mle mereched ruriul er a kemeldiil, eng mlo er a omeuachel lobengkel a odam er a Ikelesia. Ng mlo msa techolb el kirel a Cyrus.

Santo, 1:421

Sesel sandei ruriul, ea Joseph a ulsisechakl er a re Santo er a lmuut el bebil el kirel a techolb el mora re mla mad. Ng dilu el kmo te betok el chad el mla mad a sorir el mo metecholb. Ng sorir el mo oltirakl er a Jesus Kristo. Tir a mengiil e oureng me a rechad er a blirir el dirk ke kiei bol metecholb el kirir.

Doctrine and Covenants 128:15–19; Santo, 1:423

A re Santo a di mle mereched el remurt el mo er a omeuachel. Te mlo metecholb el kirir a rechad el tir a betik a rengrir er tir. A Hyrum Smith a mlo metecholb el kirel a Alvin. Mocha uriul, ea Rubak a ulisechakl el kmo a techolb el kirir a re mla mad a kirel mekedmokl er a chelsel a templo, e kirel ngarngii a kudmokl a rekord er a bek el techolbechelid, ea sechal a metecholb el kirel a sechal me a redil el kirel a redil.

Doctrine and Covenants 124:29–32; 127:5–12; 128:1–9; Santo, 1:424