Hawn’s Mill

A Willard Smith a mle teruich ma tang a rekil. A telungalk er ngii a mle kiei ra Hawn’s Mill, Missouri, me a re bebil ra re Santo. Te mle sorir a le mereched elmo cheludel lobengterir a re Santo el ngara Far West.

Doctrine me a Covenants 115:7–8 ; Re Santo , 1:347–48

A tara sils, a Willard a obengkel a demal ma re bebil er ngii ra, Sardius ma Alma. E kiul, te rongesii a ngerel a bois ma diu. A rechad a mermang elmo oldechelakl er a re Santo.

Re Santo , 1:348–49

A re bekl el chad a riruret elmo osiik a selbechakl el basio. Te betok el sechal ma rengalk a ulemart er tir ra basio ra ureor. A demal a Willard ma re bebil er ngii a dirrek el mlo soiseb, ngdi Willard a mlo eroid er tir. Ng milertii er a ikrel a chelisois el kerekar. Ngorenges ngeral a bois el lileuekl er ngii.

Re Saints , 1:349 , 353

A Willard a remuret ra tara basio el mora tang elmo omart er ngii. E kiul, dikeang a ngerel a bois. A re mle oldechelakl a mlamo ikrii a Hawn’s Mill.

Re Santo ,1:353

A Willard a mlora basio ra ureor elmo osiik er a telungalk er ngii. A demal ma Sardius a mlad. Ngdi a ochelel e ra Alma a direke ke ngar,

Re Santo , 1:353

A Alma a ulebois a sengchel. Ng mlo meringel el metemall. A Willard a kilderii elmo rebab a Alma e chelungel er ngii el mora tento er tir el loungalk.

Re Santo, 1:353–54

A delal a Willard, ra Amanda, a dimlak el lodengei el kmong mekerang a le ngeseuir a sengchel a Alma. Ngdi ngii a medengei el Dios a sebechel. Ng miluluuch, e rongesii a ngor el melekoi er ngii el kmong kirel mekerang.

Re Santo , 1:354

Amanda a merisiu ra telmelel a Alma lolab a bas. E mocha kmiis a risel a kerekar e locha ra telemelel. Ng lochetii a sengche loba mamd. “Multuil el uaisei, e diak ke mouedikel,” ng melekoi, “ea Rubak a mo meskau a tara sengchem.”

Re Santo , 1:354–55

Nguriul, ea governor ra Missouri melekoi el kmo a re Santo a kirir tuobed er a beluu le lak e te mad. Ngdi a sengchel a Alma a direkak el bo lungil. A Amanda a miluluuch e olengit er a Rubak ra ngeseu. A ngor a dilu er ngii el kmo a Jesus a diak el bol itii a telungalk er ngii. A Amanda a omelchesiu el diak a ngodech elmo tomelii.

Doctrine me a Covenants 88:83 ; Re Santos , 1:372 , 378–79

Nguriul ra loluluuch, a Amanda a rongesterir a rengelekel loldiu. Ng riruret elmo osiik er tir, ea le betik er tir, ea Alma a medideruret el meleliuekl. “Ak mlamo ungil, Edei, Ak mlamo ungil!” ng melekoi. A sengchel a mlamo ungil! Ng tekoi el chelid el mlara Rubak. A Amanda ma rengelekel a tilobed e ra Missouri elmo osiik e ra selbechakl el basio lobengterir a re bek el Santo.

Re Santo , 1:379