Jane Manning a Merael mora Nauvoo

Jane Manning me a telungalek er ngii a mle kiei er a basio el bebil er a rechad a dimlak el sorir e mle mekngit el mo er tir eleng chiro er a bedengir a uchul. Tara klebesei, a Jane a rirrengesii a misionari lolisechakl. Ng mle medengei el kmo a osisecheklel a mle klemerang. A bol kukuk el Sandei, eng mlo metecholb.

Resanto, 1:500–501

A telungalek er a Jane a mlo chedal a Ikelesia el dirrek. A Rubak a mle soal a re Santo bol dak el kldibel er a Nauvoo. A Jane a mle betik a rengul er a Rubak. Ngii me a telungalek er ngii a mle sorir el mo obengterir a re Santo. Me te mocha omuchel er a omerollir mora Nauvoo.

Doctrine and Covenants 124:25; Resanto, 1:501

Di mle kedeb el temel a omerollir, e te mla er a bilas. Betok el chad a harau er a bilas sel ulebengelel a omerollir. Eng di a bebil er a rechad a dilu er a Jane me a telungalek er ngii bol harau er a bilas ra uchei er a lorael. Ng dimlak a betok el ududir. Tirkal chad ulultengel er tir er a bilas, meng merael e tir a cheloit.

Resanto, 1:501

A telungalek er a Jane a di mirael el bekord el eai el dart el mael, a lechub eng 1,300 kilometers. Ng kirir el merael el ngara bita el mora bita er a dmolech el omoachel el diak a did er ngii. Te di mechiuaiu er rikl. Cheltel a eanged a kmal mle blechoel mekelekolt. Eng di a telungalek er a Jane a mla rullii ra rengrir el mo er a Nauvoo. Ng di tir el choieng er tir sel longitakl e lomekebakes.

Resanto, 1:501, 505–6

Jane me a telungalek er ngii a di mirael mo lemuut sera orcherir a mechetong ea ocherir a merenglang. Eng di sera loluluuch el mo er a Dios lolengit a ngeseu, e Ngii a ulmekungil a ocherir.

Resanto, 1:505

Te ulngeseu er a rechad el dilak er tial omerollir. Te dirrek lulngeseu er a smecher el ngalek el mlo ungil eleng klaumera er tir a uchul.

Resanto, 1:505–6

Uriul, ea Jane me a telungalek er ngii a merma er a Nauvoo. Ng mle mesaul a bedengir e ulusbech a basio le bo le kiei er ngii. Me te mlo er a blil a Emma me a Joseph. A Joseph er a rrenges a ikel rokui el blol chau er a chelsel tial omerollir, eng dilu er a Jane, , “A Dios lomekngeltengat er kau. Kau a mla mo obengterir a resechelim er a chelechang.” Joseph me a Emma a ulengit er a Jane me bol kiei lobengterir.

Resanto, 1:506