“A Ikelesia er a Jesus Kristo a Mechederoder,” Cheldecheduch er a Doctrine me a Covenants (2024)
“A Ikelesia er a Jesus Kristo a Mechederoder,” Cheldecheduch er a Doctrine me a Covenants
April 1830
A Ikelesia er a Jesus Kristo a Mechederoder
Ng deureng el ongdibel er a Ikelesia
A Babier er a Mormon a mla meluches, me a klisiich er a priesthood er a Dios a mla lmuut el mera beluulechad. A Rubak e dilu er a Joseph Smith el kmo ng mla mo taem el bo longederoder er a Ikelesia er a Jesus Kristo.
Santo, 1:84
Sera April 6, 1830, kmeed el 40 el meklou el sechal me a redil a mlora blil a Whitmer el mo mengederoder er a Ikelesia. A Rubak a mla mekedongii a Joseph me a Oliver el mo menguteling er a Ikelesia er Ngii. A Joseph me a Oliver a olengit er a rechad el mo oldars a chimorir el olechotel a kmo te kongei er tir el mo oungerachel er tir.
Doctrine me a Covenants 20:1–3; Santo, 1:84
Ongeru el bakes, ea Joseph me a Oliver a ulemekngeltengat er a chedaol belsoil. Te milrous el mora rechad el molengeseu er tir el mo melbedebek er a Jesus Kristo. Joseph me a Oliver a ngilai a imorir el locha er a bebul a btelrir a rechad el tir a mla metecholb. Te mle olterekokl er tir el chedal a Ikelesia e mesterir a sengk er a Chedaol Reng.
Doctrine me a Covenants 20:75–79; Santo, 1:85
A Rubak a milsang a Joseph a klumech el mor tial beches el Ikelesia. Ngii a dilu er tir el mo meluches a ikel mo dubech er a Ikeleisia. Ngii a dilu el kmo a Joseph Smith a profet er Ngii. Ng mle yaksok el mora rechedal a Ikeleisa el kmo alsekum e te oltirakl a llechul el ngilai el msa Joseph, e Ngii a mo omekngeltengat er tir. A diablong a mo diak a klisichel er tir.
Doctrine me a Covenants 21:1–6; Santo, 1:85
A rechad a kmal mle ungil a rengrir el lobang a Ikeleisa er a Jesus Kristo. Uriul er a ongdibel, eng betok el chad a miltecholb uldimukl er a delal me a demal a Joseph. Sera le bel dum er a ralm, e a Joseph a milchulii. “Ak mla kiei el mesang a demak el metecholb el mora meral ikelesia er a Jesus Kristo” ng millekoi.
Santo, 1:86
Uriul er seikid el kesus, ea Joseph a milrael el mora oreomel el mo di ngii el tang. A rengul a mle mui er a deureng. Ng mla morngii a teruich el rak er sera lekot el mesa Chedam er a Babeluades me a Jesus Kristo. Ng kmal betok a mla dubech er seikid el taem el merchelechang. A Joseph a mui ra omerng el saul el kmo ngsebechel el olengeseu el olutii, lmuut el nguu el mei, a Ikelesia er a Jesus Kristo!
Santo, 1:86