“Samuel Smith ,” Cheldecheduch Doctrine me a Covenants (2024)
“Samuel Smith a Merous er a Babier ra Mormon,” Cheldecheduch er a Doctrine me a Covenants
1830–1832
Samuel Smith a Merous er a Babier ra Mormon
Imo el babier el omekngeltengat a betok el klengar
A Rubak a mekodongii a Samuel Smith, lochellel a Joseph, el mo mesiou louchais e ra ebangkelio. A Samuel a milsa John me a Rhoda Greene e silbedeterir el kirel a Babier ra Mormon. A John a mle olsisechakl e ra tara ikelesia. Ng dilu el kmo nguu a ta er tial babier e omes alta eng ngarngii a chedal a ikelesia el soal menguiu er ngii.
Santo, 1:99
Nguriul ra sesei el buil, ea Samuel a luetang. Rhoda a melekoi el bechil a diak el betik er a ngidil chad el soal el menguiu er a Babier ra Mormon. Meng liluut el nguu msang a Samuel.
Santo, 1:99
A Samuel a mekngit a rengul. Meng merolang, ngdi a Rhoda a tomer er ngii. Ng melekoi el kmo ng mla oieuii a Babier e ra Mormon, e soal.
Santo, 1:99
A Chedaol Reng a melekoi er a Samuel me lolutii tial babier el mora Rhoda. “Molengit er a Dios me lochotii er kau a klemerang,” a Samuel a melekoi er ngii. Ngulsisecheklii a Rhoda el kirel a Chedaol Reng e mekerang a bo lodengei el kmo a Babier er a Mormon a klemerang.
Moroni 10:3–5; Santo, 1:99–100
Samuel a mla mo remei el mlara mision er ngii. Ng dimlak el techelbii a ngidil chad, e di derta el chad a mle sorir a Babier er a Mormon.
Rhoda me a John a meluluuch, ea Chedaol Reng a melekoi er tir el kmo a Babier er a Mormon a klemerang. Ea Rhoda a mocha ouchais er tial babier el mora ochedal er a, Brigham Young.
Santo, 1:100
Brigham me a sechelil er a, Heber Kimball, a ulsiik er a klemerang el Ikelesia er a Jesus. Te iliuii a Babier er a Mormon. Te milsuub e meluluuch el kirel a ebangkelio er a Jesus Kristo el kmeed el eru el rak.
Chelsel tial taem, e a Brigham me a Heber a ngara ongdibel e ra Ikelesia lobengterir a telungalk er tir. Ngara tara ikal ongdibel, ea Brigham a rirengesii a misionarii el ouchais er a klaumerang er ngii. Ngkal misionarii a diak el meduch el mengedecheduch, ngdi a Brigham a milchesuar ra Chedaol Reng er a longedecheduch. Brigham a mle medengei el kmong millekoi a klemerang.
Brigham, Heber, me a re becherir, Miriam me a Vilate, a miltecholb. Te mle betik a rengrir er a Osobel me a Ebangkelio er Ngii. Rak er ruriul, e a Rubak a milkedongii a Brigham me a Heber elmo Apostol er Ngii e mesiou a mission. Leng Samuel el uluchais er a Babier er a Mormon, e te betok el chad a mlo chedal a Ikelesia er a Osobel.
Doctrine me a Covenants 124:127–29; 126; Santo, 1:215–16}