A re Apostol a Oureor el Mesiou el mora Great Britain

Ngara ocholt el mora Joseph Smith, ea Rubak a ulemekedong er a re Apostols el mora ureor el moleong a daob el mora Great Britain. Meng uai ea blel meringel er a Joseph el mechititerir a re Apostol el kmal mo cheroid, di ngii a mle oumerang er a Rubak. Ng dirrek el mle meringel er a re Apostol el chotiterir a telungalek er tir. Engdi a Rubak a mle yaksok el mo omekngeltengat er tir.

Doctrine and Covenants 118

A Heber C. Kimball me a bechil, el Vilate, a dirk mekekerei a rengelekir. A ngelekir el tolechoi a dirk mle tal buil. Betok el chad er a blirir a mle meringel smecher.

Santo, 1:405

A Brigham Young a dirrek el mle smecher, ea telungalek er ngii a mle chebuul. Engdi a bechil a Brigham el, Mary Ann, a dilu er ngii, “Bom relii a urerem, ea Rubak a momekngeltengat er kau.”

Santo, 1:404–5

A Brigham a omuchel merael, engdi sera le bocha er a blil a Heber, eng kmal mechitecheto bedengel dikeal sebechel merael. Ng kiliei er a blil a Heber el sesei el klebesei.

Santo, 1:405

A Mary Ann a mlei el momekerreu er a Brigham dilmerekmo ngii me a Herber bo loikab lungil mel sebechir el merael. Tir el terung el mle mechitechut a bedengir, engdi mle sorir el mo olisechakl er a ebangkelio.

Santo, 1:405

Heber me a Brigham a millemesumech er a rebecherir e ngilasech el mora uriul er a kareta. Te mle mekngit a rengrir el mo cheroid er a telungalek er tir el kmal smecher e chebuul. Sera lorael mochang a kareta, ea Heber a dilu er a Brigham, “Tia kmal meringel.” Ng mle soal ngoseuir a telungalek er tir me bol meduch a rengrir. A Heber a ulengit er a ulemekall me bol stob.

Santo, 1:405–6

Ngara chelsel a blai, ea Vilate a rirengesii a melekoi. Ng milrael el mora tuangel, el mla er ngii a Mary Ann el dechor. Te milsa a Heber me a Brigham el dechor ruriul er a Kareta, lomiroi a ulkungir e oldiu, “Hurrah! Hurrah! Hurrah el mora Israel!” Tirka el redil a ulenger, “Mechikung! A Dios lomekngeltengat er kemiu!”

Santo, 1:406

Uriul er a kemanget lomerael loak a daob, ea Heber me a Brigham a mocha tuab er a Great Britain. Te obengterir a rebebil er a re Apostol, e ulsisechakl er a re betok el chad el kirel a Jesus Kristo me a ebangkelio er Ngii. Te betok el telael chad a mlo metecholb e mo chedal a Ikelesia er a Osobel.

Santo, 1:408–11

Te betok el chad el mle metecholb er a Great Britain a millukl el mora Nauvoo el molngeseu er a okedecherul a beluu me a templo. A Rubak a ultireklii a yaksok er Ngii el mo omekerreu er a telungalek er a Heber me a Brigham sera losiou er Ngii el misionari.

Santo, 1:437–39