Joseph me a Sidney a mo Medengei el kirel a Babeluades

A tara klebesei, ea Joseph Smith me a Sidney Rigdon a milnguiu er a Biblia. Te milnguiu el kirel a mo duubech el mo er a rechad ruriul er a lemad. Joseph me a Sidney a ulmedasu kirel a ikel lulenguiu, e mlo sorir el mesuub a lmuut el bebil kirel.

Doctrine and Covenants 76:11–18

A Rubak a milsterir a mengasireng el ues. Te milsa a Chedam er a Babeluades me a Jesus Kristo el iliuekl er a reanghel. Te rirengesii a ngor el kmo a Jesus a Ngelekel a Dios. A ngor a dilu el kmo a Jesus a mlad el kired e sola milekiis er a kodall—Ngii a liluut el mo ngar. Ngii a uchul, e kid a dirrek el mo mekiis er a kodall.

Doctrine and Covenants 76:19–24, 39–43

Joseph me a Sidney a mlo medengei el kmo a uriul er a okiis er a kodall, e kede mo kiei er a chelsel a tara ikal el edei el basio el ngara babeluades, lomekedong el renged. A rechad el dimlak el kengei el nguu a ebangkelio er a Jesus Kristo a mo er a rengedel a telestial. A Rubak ulmekesiu er tial renged el mo er a dichel a btuch.

Doctrine and Covenants 76:81–86

Joseph me a Sidney a dirrekl el mlo medengelii el kirel a renged lomekedong er ngii el rengedel a terrestrial. Tial renged a mo er a rechad el mle ungil a klengar er tir eng di dimlak el mui loltirakl er a ebangkelio er a Jesus Kristo. Ng dimlak el mesisiich a klaumernag er tir er Ngii. A Rubak ulmekesiu er tial renged el mo er a dichel a buil.

Doctrine and Covenants 76:71–80

Sel kot el ngarbab el renged a rengedel a celestial. A rechad el ngar tial renged a milruul a telbiil, a lechub eng yaksok, lobengekel a Dios e ultirakl a telbilir. Te mlo ouchel a rengrir e ultirakl er a Jesus Kristo. Te kiei lobengkel a Chedam er a Babeluades me a Jesus el mo cherechar e mo uai Tir. A Rubak ulmekesiu er tial renged el mo er a dichel a sils.

Doctrine and Covenants 76:50–70

A Rubak a dilu er a Joseph me a Sidney me lak louchais a ikel rokui el leuiles er a chelsel a ues er tir. Eng di Ngii a mle soal tir a bo lluches a bebil el kirel e louchais er ngii el mo er a rebebil. Betok el chedal a Ikelesia a mle semeriar el mo ouchais er a rechad el kirel a ues.

Doctrine and Covenants 76:113–119; Saints, 1:149–50

A rebebil er a rechad a dimlak el sorir tial ues. Ng mle ngodech er a ikel ngii a loumeran el kirel. Eng di a rebetok el Santo a mereng saul el blo lodengelii tial ocholt. Ng ulechotii er tir el kmo a Chedam er a Babeluades a betik a rengul er a Rengelekel e ulechotii a rael el tir a moluut el mo er Ngii.

Saints, 1:149–50