Elijah Able

A Rubak a milkedongii a chad el ngklel a Elijah Able el mo mesiou el misionari. Elijah a ulsisechakl er a Eunice me a Charles Franklin el kirel a ebangkelio er a Jesus Kristo. Ng uluuchais er tir el kirel a Babier er a Mormon me a Profet Joseph Smith. A Eunice me a Charles uluumerang a ikal lulsisechakl e mlo sorir el mo chedal a Ikelesia. Elijah a milsterir a techolbechelid.

Resanto, 1:316

Elijah a mirrael el mo omerk er a ebangkelio er a tara beluu. A tara klebesei, ruriul er a sesei el buil, e ngii a ulmerous el kirel a sechelil er a Eunice. Chelsel tial berrous, ea Eunice a mla mo diak loumera el kmo a Babier er a Mormon a klemerang me a lechub a Joseph Smith a mle profet. Me sera le bekiis a Elijah, eng di milemalt el mo mesa Eunice.

Doctrine and Covenants 75:27; Saints, 1:315–16

Eunice a kilbetiekl er a lesa Elijah el ngara medal a tuangel! A berrusel a Elijah a mle merang: A Eunice a mla mo diak loumera er a Babier er a Mormon me a Joseph Smith.

Resanto, 1:317

Elijah ulengit er a Eunice mel mei e lorrenges er ngii lolisechakl er a skuul. Me sera lorrenges a tekingel a Elijah, eng liluut el mo melchesuar Chedaol Reng. Ngii a mle medengei el kmo a ebangkelio a klemerang!

Resanto, 1:317

Elijah a mle yaksok er a Eunice el kmo ng lmuut el mei er a chelsel a erul sandei e mo lmuut lolisechakl. Eng di a bebil er a rechad er tial beluu a dimlak el sorir a luut el mei. Uriul er a lorael a Elijah, e te mocha melekoi er a rebek el chad el kmo a Elijah mla mekodeterir a rechad. Te mo msang a ngkedel ngkel chad el mo metik er ngii.

Resanto, 1:318

Eunice a mle medengei el kmo a rechad a oumulak el kirel a Elijah. Ng dirkak el bekodir a ngii dil chad. Ngii a mle ungil chad e mesiungel a Dios. Ng mle medengei el kmo a telingolir a diak el bol tomer er a Elijah el mei er a beluu el me olisechakl. Eunice a dilu er a rechad el kmo a Elijah a lmuut el mei. “A Dios a mo mengeluolu er ngii,” ngii a milekoi.

Resanto, 1:318

Elijah a liluut el mei. Ng liluut el me er a osisiu el skuul el ngii ulisechakl er ngii ruchei. Ng mle meseked er a rechad el sosir el mo mengelbus er ngii. Elijah a mlo dechor medal tial seked. Ng dilu a lsekum meng sorir el mo kulubsengii, eng kirir rullii er a chelechal taem, er a uchei er a lomuchel lolisechakl. A lsekum meng diak, eng kirir el mecherei me ngolisechakl.

Resanto, 1:318

Ng dimlak a ngii dil chad louedikel. A Elijah milngiil, eng di tial seked a dengchokl e dilmuk. Elijah a milngitakl a chelitakl, e miluluuch, e ulsisechakl er a ebangkelio er a Jesus Kristo. A klisichel a Dios a ulbengkel. Uriul er a osisecheklel, eng milngedecheduch el mo er a sechelil er a Eunice me a Charles e milemolem er a urerel el ngara budech.

Resanto, 1:319