Berrusel a Desideria

Mlukrael er a Rubak ra Mexico

Desideria Yáñez a kiliei ra Nopala, Mexico. A tara kesus, a Desideria a ulemerous el kirel a kekerei el hong el keltmokl el ngara Beluu ra Mexico. A ngklel a mle Voz de amonestación, malechub Voice of Warning . Sera le bekiis a Desideria, eng mle medengei el kirel mosiik er ngii el hong.

Re Santo , 2:477

A Desirderai a ouchais er a ngelekel sechal el kirel ngil berous.

Ngdi Beluu ra Mexico a kmal eroid, ea Desideria a klungang el chad e bocha lorael ra kemangt el lomerael. Ng milchesaur el Rubak a soal ngii a bo losiik ersel hong. Meng nguluchais er a ngelekel sechal, ra José, el kirel ngil berous. Ngii meng ngoumerang el kmo tial hong a klou a ultutelel el dirrek. Ngii a dilu ra delal meng mosiik er ngii el kirel.

Re Santo , 2:478

A José ra le bocha ra Beluu ra Mexico, a rael a meseked, a erodech, e mui ra rechad. Ng mekerang a le betik er tial hong ra kmal meseked el basio?

Re Santo , 2:478

Nguriul ra telal klebesei, a José a milsang a misionarii el ngklel a James Stewart. A James a melekoi el ngii a oureor el meluches e ra hong el ngklel a Voz de amonestación .

Re Santo , 2:478

James a melekoi el kirel a Babier er a Mormon.

A José a kmal mlo semeriar! Ng dilu ra James el kirel a berusel a delal. A James a silodii el kmo a re misionariis a mousbech ra Voz de amonestación el lolsisechakl ra rechad el kirel a Jesus Kristo me a beches el hong ra chedaol lechukl, el Babier ra Mormon.

Re Santo , 2:478

A James el merous a hong el mora José el lolngeseu er ngii el mesuub el kirel a ebangkelio.

Voz de amonestación a dimllak el bol merek, ea Babier ra Mormon a direkak el moiuud elmo tekoi ra Sebangiol. Ngdi a James a milsang a José a bebil ra hong ma babier el molngeseu er ngii ma delal el mesuub e ra Jesus Kristo, ma Babier ra Mormon, me a olutel a Ikelesia.

Doctrine me a Covenants 90:11; Re Santo , 2:478–79

José ma delal el dmak el mesuub el kirel a ebangkelio.

José oreched elmo remei el mora delal. Te dmak el mesuub ra ebangkelio, e te mle medengei el kmong klemerang. A Desideria a uleker ra re misionariis me bol metecholb.

Re Santo , 2:479

Desideria, José, ma ngekekel a José’s ra Carmen a metecholb.

Desideria a mle tara kot el redil elmo metecholb ra Mexico. José ma ngelekel a dirrek el mlo metecholb.

Re Santo , 2:479

Desideria a nguu a lecheklel a Babier er a Mormon.

Sera Voz de amonestación ra bol merek, a José a ngilai a tacher el lecheklel el msa delal me lorous el mora re bebil el ngara Nopala. Rak er ruriul, sera Babier ra Mormon ra bochal meluches el tekoi ra Sebangiol, ea Desideria a mle kot el chad e ra Mexico el nguu a lecheklel. Ng mle medengei el Rubak a milkrolii el mora mla moluut el Ikelesia er Ngii.

Doctrine me a Covenants 88:81; Re Santo , 2:479