Blil a Kelebus er a Liberty

Metik er a Rubak ersel taem ra ongarem

Re soldau loltoir ra re Santo ra Missouri el me tuobed ra keblirir.

Te betok el chad el mle kiei ra Missouri a dimlak el sorir a re Santo. A governor a uldurokl ra re soldau elmo oltobed er tir. Tirkal soldau a uleltoir ra re Santo ra keblirir, ruchorech a klaleu ra blirir, e milemall ra re betok er tir.

Re Santo , 1:355–56, 362 , 364

Re soldau a ulsengebii a Joseph Smith ma re bebil ra re mengeteklel a Ikelesia.

Tirkal soldau a ulsengebii a Profet Joseph Smith ma re bebil ra re mengeteklel a Ikelesia.

Re Santo , 1:357–58

A ngelekel a Joseph Smith el sechal a medidelangel ra Joseph el mengai elmo kelbus.

Joseph a ulengit alsekum meng sebechel ngarngii a telkib el taem eldi ngii lobengterir a telungalk er ngii. A re soldau el dilul kmo ngdiak. Te ngiluu a Joseph ma re bebil ra re kelebus el merael.

Re Santo , 1:366

Joseph el melekoi ra re mengkar mel lolenguul eldi mengedecheduch.

A tara kesus, a Joseph ma re bebil ra re kelebus a rirengeseterir a re mengkar el locherchur el kirel a mekngit el blekeradel el riruul el mora re Santo. A Joseph a mlo diak el sebechel kelkall el lorenges. Ng milkiis elmo dechor e oldiu,“Bom luk!” Ng melekoi el loba klisichel a Dios. A re mengkar a mlo medakt. Te dilu el kmo te mlo mekngit e dikeang el longedecheduch.

Re Santo , 1:367–68

Joseph ma re sechelil el ngara Blil a Kelebus ra Liberty.

Nguriul, ea Joseph ma re sechelil a mlo chelsimer ra kelebus er a beluu lomekedong er ngii el Liberty. Tial kelebus a kmal mle mekelkolt, kekerei, e milkolk. Tedi milchiuaiu er a bebul a dechudech el chudell. Ngdi mle mekesai a kall, e rirelterir elmo smecher.

Re Santo , 1:369–70 , 374 , 384–85

A Joseph a di blechoel lomdasu el kirir a re Santo. Ngii a betik a rengul er tir . Ng mle bekikl er tir. Ngdi ngdiak a ngerang el sebechel rulii el ngosuterir.

Re Santo , 1:385–86

Joseph Smith a meluluuch er a chelsel a Blil a Kelebus ra Liberty.

Joseph a betok eldi loluluuch. Ngii a uleker ra Dios el kmong ngar ker e ngerang meng diak el lolengeseu er a re Santo. A Dios ng mla bes er ngii me a Ikelesia?

Doctrine me a Covenants 121:1–6

A Joseph a nguu a nger el kirel a nglunguchel.

A Dios onger er a nglunguchel a Joseph. Ngii a melekoi, “Rungalk, budech bo lobengkem.” Ngii a dilu ra Joseph el kmo a ongarem elmo rengii a diak el lolemolem, e bai mo klungiolel. A Dios a ulemeklatk ra Joseph el kmo a Jesus Kristo a mla soiseb er a lmuut el kmal meringel el tekoi. Ngii a yaksok el kmo Ngii a di obengkel a Joseph “eldi ngarngii el diak a ulebengelel.”

Doctrine me a Covenants 121:7 ; 22:5–9