Pearl of Great Price

Tara klebesei, a chad e mle er a Kirtland lolab a mummies er a Egypt. Obengkel a ikal mummies a bebil er a iluiil el babier, a lechub eng mechut liluiil babier. A ikal babier a mle llechukl a tekoi er a Egypt er ngii. Ngkal chad ulecholt a ikang el mo er a Profet Joseph Smith. A Joseph a kmal mle semeriar lomes a ikal llechukl.

Resanto, 1:219–20

Bebil er a resechelil a ngilseuir a Joseph el mechar a ikal mummies me a babier. A Joseph er a losuub a ikal llechukl, ea Rubak ulechotii a ikel llechukl er a chuodel taem el mla er a Abraham, el profet el ngara chelsel a Biblia. Ngultuil er a Oliver Cowdery, e a Joseph a liluches a ikel Rubak a ulsisechakl er ngii el kirel a osisecheklel a Abraham.

Resanto, 1:220

Abraham a milesa ues er a klengar kid lobengkel a Chedam er a Babeluades er a uchei er a de mechell. Ng milsa el kmo a Jesus a milngilt el mo Osobeled. Abraham a dirrek el milsuub el kirel a blebelel a beluulechad. A re Santo a kmal mlo ungil a rengrir el mo ngmai a ikal osisecheklel a Abraham. Ng mlo ungil a rengrir el Rubak a mle soal lolisechakl er tir a lmuut el betok.

Abraham 2:6–11; 3–5; Resanto, 1:220

A llecheklel a Abraham a mlo tebechedel a hong er a chedaol llechukl el okedongall el Pearl of Great Price. Tial hong a dirrek el ngarngii a llecheklel a Moses, el dirrek el tara profet el ngara Biblia. Ng olisechakl a klemerang el diak el ngara chelsel a Biblia. A Rubak a mle soal a rechad a bo lodengei a ikal klemerang, me Ngii a uluchais el kirel el mo er a Joseph Smith.

Moses 1–8; Abraham 1–5

A Pearl of Great Price a dirrek el ngarngii a chisel a klaumera er a Joseph Smith me a tacher me a kldei el Tebechelel a Klaumerang. A Joseph Smith a liluches a ikang el mo chais el mo er a beluulechad a ikel loumerang a re Uriul-klebesei el Santo. A Pearl of Great Price a kekerei el hong, el uai a ngisel a chesiuch el kekerei, eng di kmal meringelechad.

Joseph Smith—History; Articles of Faith[Tebechelel a Klaumerang] 1