“Mo Kldibel er a Ohio,” Cheldecheduch er a Doctrine and Covenants (2024)
“Mo Kldibel er a Ohio,” Cheldecheduch er a Doctrine and Covenants
December 1830–May 1831
Mo Kldibel er a Ohio
Klaumera me a tekoi el chelid er a Lucy Smith
Ngara Ohio, e te betok el chad a mlo chedal a Ikelesia. A Rubak a millekoi er a Joseph Smith el kmo a re Santo el kiei er a bebil er a basio a kirir el mo kldibel er a Ohio. Ng mo kemanget el omerael. Eng di a Rubak a mle yaksok el kmo sel uriul er a bol kldibel, e Ngii a mo olisechakl er a re Santo a Llechul e mo omekngeltengat er tir loba klisiich el mo meruul a Urerel.
Doctrine and Covenants 37; 38:32; Resanto, 1:109–110
A delal a Joseph, el Lucy, me a cheldebechel er a bekord el okai el chedal a ikelesia a milechei a blirir er a New York e millukl el mo er a Ohio. Te ngilasech er a bilas el ngii a ngoititerir el mo er sel kuk di sebechel tial bilas el morngii. Uriul er a telal klebesei er tial omerollir, e tial bilas a kirel mo stob. A okrokll el kori el ngara chelsel a ralm a melenget er a rolir.
Resanto, 1:121–22
A re Santo a kirir el mengiil er tial kori el toker. Te mle mesaul a bedengir, songerenger, dekims, e mekerasem.
Resanto, 1:122
Ng mle meringel lomengiil. A bebil er a re Santo mocha kaumondai tir ma rebebil.
Resanto, 1:122
A Lucy a dimlak el soal lorrenges er tirkal Santo el kaumondai. Ng mle medengei el kirel ngarngii a ldelii el mo er tir. “Ngar ker a klaumerang er kemiu?” ngii a uleker. A Lucy a milekoi er a re Santo el kmo a lsekum te meluluuch el mora Dios, e Ngii a mo mechedii tial kori meng bo sebecherir el melemolem er tial omerollir.
Resanto, 1:122–23
Meng di mle kiul, e te rongesii a merrumk el uai a derrumk e tial kori obached el mo kekerei. Ma rael a ulebok er tial kori, el kmal di sebechel tial bilsengir el mo soiseb er ngii.
Resanto, 1:123
A re Santo mlo mechas a rengrir e mereng a saul. Te mlo kldibel e melululuuch e oureng a sulel a Chedam er a Babeluades. A bilsengir a di mle ungil a omerollel el mo bedul a Ohio.
Resanto, 1:123
A re Santo er a lebo er a Ohio, ea rechedal a Ikelesia a mle outkeu er tir e ngilsuterir el smiik a basio el bol le kiei er ngii. A Rubak a ultirakl er a yaksok er Ngii el mo olsisechakl er tir er a Llechul e mo mesterir a klisiich el mo meruul a Urerel.
Doctrine and Covenants 42; Resanto, 1:126