Sidney me a Phebe Rigdon

Parley Pratt me a rebebil a leko te mo omerk er a ebangkelio el mora Rtechel a Miich er a Merikel. Omerolir el mong, ea Parley a mle soal el mo tuchakl e oldingel er a sechelil er a Sidney Rigdon. A Sidney a mle olisechakl a tekingel a chelid e ulsisechakl er a Parley el kirel a Jesus Kristo er a Bibilia. Chelechang ea Parley a soal mo olisechakl er a Sidney el kirel a Jesus el ngara Babier er a Mormon.

Doctrine me a Covenants 32; Santo, 1:99

A Parley a uluchais er a Sidney el kirel a Babier er a Mormon e ullengit me bolongui er ngii. A Sidney a ulumededenger, engdi a Parley el mle sechelil, meng kilengei el mo menguiu.

Santo, 1:100

A Sidney sera le chiuii a Babier er a Mormon, eng mle medengei el kmo ng mlara Dios el mei. Ng uluuchais a lolechesuar el mora bechil, er a Phebe.

Santo, 1:101

Engdi a Sidney a ulumededenger el kmo ngara ongeru el bakes el bo loruul er ngii. A lsekum eng mo metecholb, eng mo diak a urerel el olisechakl er a ikelesia er ngii. Ng mekera longedmokl er a Phebe me a tirka el telolem el ngelekir. A rechadal a ikelesia ngera te mo melchesiu? Ng miluluuch el mora Chedam er a Babeluades el kirel a ngesou, e mlo omelchesiu er a budech.

Santo, 1:101; Doctrine me a Covenants 19:23

Sidney a uleker er a Phebe el kmong di ungil rengii el chemoit a ungil klengar e mo chedal tial beches el ikelesia lobengkel. “Tia soal a renguk el mo meruul er a soal a Dios,” ng dilung, “a lemei a klengar malechub a kodall.” Te mle tibir el mo metecholb.

Santo, 1:101

Uriul, ea Sidney mocha kebetech ngii me a Prophet Joseph Smith. A Rubak a milsang a Sidney a klumech lokiu a Joseph. Ng dilu el kmo ngii a mla mes a ungil tekoi el Sidney a mla remuul e mla remenges a nglunguchel. A Rubak a dilu er a Sidney el kmo Ngii a mo msang a klou el urreor el bo loruul er ngii. A Sidney a mo meruul a meklou el tekoi

Doctrine me a Covenants 35:3–4