Hiram Page me a Ocholt

A Hiram Page a mle sechelil a Joseph Smith me a Oliver Cowdery. Ngii a dirrek el tar tirkel teai el sioning er a kolt el babier. A Hirum a uleba a bad, e ulumerang el kmo a Dios a ulesbech er ngii el lomsang a klumech, malechub a ocholt, el mora Ikelesia. A Oliver me a rebebil er a re Santo a ulumerang a ocholt er a Hiram a mla ra Dios el mei.

Doctrine me a Covenants 28, section heading; Santo, 1:97

A chocholt el mlara Hiram a dorrenges engdi ual chedaol llechukl. Eng di mle ngodech er a ikel osisechakl er a Bibilia. Ng dirrek el mle ngodech er a ikel Rubak a mla ouchais el mora Prophet Joseph. A Joseph a dimlak lodengei el kmong mo mekerang.

Santo, 1:97

A Joseph a mle mekar el kmeed el tal kesus lolengit a ngesou er a Dios. Ng mle simbai el rulii a mekngit el ngii a mo tomelii a rengul a sechelil.

Santo, 1:97

A Joseph a mle soal a rechad a losiik a ocholt el kirel a klengar er tir. Engdi tia mo klou a rrauelreng alsekum me a rokui el chad a mo melai a ocholt el kirel tial rokir el Ikelesia.

Santo, 1:97

A Rubak a kol mocha, msang a Joseph a ocholt el bo louchais el mora Oliver. A Rubak a dilu el kmo ng dita el profet a sebechel melai a ocholt me a llach el kirel tial rokir el Ikelesia. Ng dilu el kmo a Oliver a kirel osisecheklii tial tekoi el mora Hiram.

Doctrine me a Covenants 28:2, 6–13

A Rubak a mle soal a Hiram el mo ungil medengei el kmo ngii a sebechel melai a ocholt el kuk di mora klengar er ngii. Engdi a ocholt el mora Ikelesia a mora profet er a Rubak. A Hiram a ulerrenges er a Oliver e mlo ouchel kirel. A re Santo a mocha ungil medengei el kmo a Rubak a omekrael er a Ikelesia er Ngii.

Santo, 1:98